കളത്തിപ്പറമ്പിൽ വീട് ഇനി അനാഥം; രാഷ്ട്രീയ തറവാട്ടിൽ ഓ​ര്‍​മ​യുടെ തി​ര​യി​ള​ക്കം മാ​ത്രം

വിപ്ലവത്തിന്റെ ശുക്ര നക്ഷത്രം അസ്തമിച്ചതോടെ ആ​ല​പ്പു​ഴ ചാ​ത്ത​നാ​ട്ടെ ക​ള​ത്തി​പ്പ​റ​മ്പി​ല്‍ വീട് അനാഥമായി. ടി വി തോ​മ​സും കെ ആ​ർ ഗൗ​രി​യ​മ്മ​യും താ​മ​സി​ച്ച രാഷ്ട്രീയ തറവാട്ടിലെ ആ​ര​വം നി​ല​ച്ചു.

ആ​ദ്യ​മ​ന്ത്രി​സ​ഭ​യി​ലെ ര​ണ്ട് ക​മ്യൂ​ണി​സ്റ്റ് മന്ത്രിമാരുടെ പ്ര​ണ​യ പ​രി​ലാ​ള​ന​ക​ള്‍ ഏ​റ്റു​വാ​ങ്ങി​യ വീ​ട്, ജെ​എ​സ്എ​സ് പിറന്നു വീണ മുറ്റം, അങ്ങനെ സവിശേഷതകൾ ഏറെ.

ടി വി തോ​മ​സി​ന്‍റെ മ​ര​ണ​ശേ​ഷ​വും അ​ദ്ദേ​ഹ​ത്തി​ന്‍റെ ഓ​ര്‍​മ​ക​ള്‍ ശേ​ഷി​ക്കു​ന്ന ഈ ​വീ​ട്ടി​ലാ​യി​രു​ന്നു ഗൗ​രി​യ​മ്മ​യു​ടെ ജീ​വി​തം. പാ​ര്‍​ട്ടി​യി​ലും ജീ​വി​ത​ത്തി​ലും വേ​ര്‍​പി​രി​ഞ്ഞി​ട്ടും വീ​ട്ടി​ലെ ഭി​ത്തി​യി​ല്‍ ടി​വി​യു​ടെ ചി​ല്ലി​ട്ട ചി​ത്ര​ങ്ങ​ള്‍ മാറാല പടരാതെ ഗൗരിയമ്മ സൂക്ഷിച്ചു. പി​താ​വ് വാ​ങ്ങി ന​ല്‍​കി​യ വീ​ട് ഗൗ​രി​യ​മ്മ​യ്ക്ക് നൽകുകയായിരുന്നു. പ​ട്ട​ണ​ക്കാ​ട്ടെ ത​ന്‍റെ കു​ടും​ബ വീ​ടി​ന്‍റെ പേ​രാ​യ ക​ള​ത്തി​പ്പ​റ​മ്പി​ല്‍ എ​ന്നത് ചാ​ത്ത​നാ​ട്ടി​ലെ വീ​ടി​നും ന​ല്‍​ക​ണ​മെ​ന്ന ഗൗ​രി​യ​മ്മ​യു​ടെ അ​ഭി​പ്രാ​യ​ത്തി​നും ടി.​വി. എ​തി​രു​നി​ന്നി​ല്ല.

സി​പി​എ​മ്മു​മാ​യി ഉ​ണ്ടാ​യ അ​ഭി​പ്രാ​യ വ്യ​ത്യാ​സ​ത്തെ​ത്തു​ട​ര്‍​ന്നു ഗൗ​രി​യ​മ്മ​യു​ടെ നേ​തൃ​ത്വ​ത്തി​ല്‍ ജെ​എ​സ്എ​സ് രൂ​പീ​ക​രി​ച്ച​പ്പോ​ള്‍ പാ​ര്‍​ട്ടി​യു​ടെ പ്ര​ധാ​ന കേ​ന്ദ്ര​വും ഈ ​വീ​ടാ​യി​രു​ന്നു. നേ​താ​ക്ക​ളു​ടെ ഘോ​ഷ​യാ​ത്ര ത​ന്നെ പ​ല​പ്പോ​ഴാ​യി ഈ ​വീ​ട്ടി​ലേ​ക്കു​ണ്ടാ​യി​ട്ടു​ണ്ട്. എ​ല്ലാ വ​ര്‍​ഷ​വും മി​ഥു​ന മാ​സ​ത്തി​ലെ തി​രു​വോ​ണ നാ​ളി​ല്‍ ഗൗ​രി​യ​മ്മ​യു​ടെ ജ​ന്മ​ദി​നം വി​പു​ല​മാ​യി ഇ​വി​ടെ ആ​ഘോ​ഷി​ച്ചു. കൊ​വി​ഡി​നെ തു​ട​ര്‍​ന്ന് ക​ഴി​ഞ്ഞ വ​ര്‍​ഷം ആ​ഘോ​ഷം ഒ​ഴി​വാ​ക്കി. പി​റ​ന്നാ​ള്‍ ദി​ന​ത്തി​ല്‍ വീ​ട്ടി​ലെ ഗേ​റ്റി​നു മു​ന്നി​ല്‍ ത​ടി​ച്ചു​കൂ​ടു​ന്ന ജ​ന​ക്കൂ​ട്ട​ത്തെ കാ​ണാ​ന്‍ തൂ​വെ​ള്ള സാ​രി​യു​മു​ടു​ത്തു പു​ഞ്ചി​രി തൂ​കി ഗൗ​രി​യ​മ്മ എ​ത്തു​മാ​യി​രു​ന്നു.

Story Highlights: k r gouriyamma, house