കാസര്‍കോട് അരമന ആശുപത്രിയില്‍ ഓക്സിജന്‍ എത്തിച്ചു; വൈകിട്ടോടെ കൂടുതല്‍ സിലിണ്ടറുകള്‍ എത്തിച്ചേക്കും

ഓക്സിജൻ ക്ഷാമം നേരിടുന്ന കാസർകോട് അരമന ഹോസ്പിറ്റൽ ആൻഡ് ഹാർട്ട് സെന്ററിലേക്ക് കാഞ്ഞങ്ങാട് ജില്ലാ ആശുപത്രിയിൽ നിന്നും ഓക്സിജൻ എത്തിച്ചു. ഓക്സിജന്റെ നാല് വലിയ സിലണ്ടറുകളാണ് എത്തിച്ചത്. കൂടാതെ കണ്ണൂർ ബാൽക്കോയിൽ നിന്നും കൂടുതൽ സിലിണ്ടറുകൾ വൈകിട്ടോടെ എത്തും.

10 കോവിഡ് രോഗികളാണ് നിലവിൽ അരമന ആശുപത്രിയിൽ ചികിത്സയിലുള്ളത്. ഇവരിൽ ഏഴുപേർക്കാണ് ഓക്സിജൻ ആവശ്യമായി ഉള്ളത്. എന്നാൽ ആശുപത്രി അധികൃതർ ഓക്സിജൻ ആവശ്യമുള്ള രോഗികളെ പ്രവേശിപ്പിക്കുന്നത് താൽക്കാലികമായി നിർത്തിവച്ചിരിക്കുകയാണ്.

Story Highlights: Oxygen Cylinders brought in Aramana Hospital in Kasaragod