24
Jun 2021
Thursday

രാജ്യത്ത് റെംഡെസിവറിന്റെ വ്യാജ നിർമാണവും പൂഴ്ത്തിവെയ്പ്പും വ്യാപകം

റെംഡെസിവറിന്റെ വ്യാജ നിർമാണവും പൂഴ്ത്തിവെയ്പ്പും രാജ്യത്ത് വ്യാപകമാകുന്നു. മധ്യപ്രദേശിലെ ഇൻഡോറിൽ റെംഡിസിവർ മരുന്ന് പൂഴ്ത്തിവെച്ച് അനധികൃതമായി വിൽപന നടത്തിയിരുന്ന സംഘത്തെ മധ്യപ്രദേശ് പൊലീസ് അറസ്റ്റ് ചെയ്തു. ഒരു നഴ്‌സും സംഘത്തിൽ ഉൾപ്പെട്ടിട്ടുണ്ട്. സംസ്ഥാനത്തെ മറ്റൊരു ആശുപത്രിയിലും സമാന സംഭവം റിപ്പോർട്ട് ചെയ്തിട്ടുണ്ട്.

റെംഡിസിവറിന്റെ വില്പനയുമായി ബന്ധപ്പെട്ട് നിരവധി നഴ്‌സുമാരാണ് ഉത്തരേന്ത്യൻ സംസ്ഥാനങ്ങളിൽ പിടിയിലാകുന്നത്. രാജ്യത്ത് കൊവിഡ് വ്യാപനം രൂക്ഷമായിരിക്കെ ഭോപ്പാലിൽ വ്യാജ റെംഡിസിവർ മരുന്ന് വിതരണം ചെയ്ത വിശ്വഹിന്ദു പരിഷത്ത് നേതാവ് പിടിയിലായിരുന്നു. ആശുപത്രി ഡയറക്ടറും വിഎച്ച്പി നേതാവുമായ സരബ്ജിത് സിങ് മോഖ ആണ് പിടിയിലായത്.

കൊവിഡ് ചികിത്സയിൽ ഉപയോഗിക്കുന്ന ആന്റി വൈറൽ മരുന്നായ റെംഡിസിവർ വ്യാജമായി നിർമ്മിച്ച് വിൽക്കുന്ന നിരവധി സംഭവങ്ങൾ ഇന്ത്യയിൽ റിപ്പോർട്ട് ചെയ്യുന്നുണ്ട്. കോവിഡ് വ്യാപനം രൂക്ഷമായ സാഹചര്യത്തിൽ റെംഡെസിവർ ഇൻജക്ഷനും ഓക്‌സിജൻ സിലിണ്ടറുകളും കരിഞ്ചന്തയിൽ ഉയർന്ന വില ഈടാക്കി വിൽപന നടത്തുന്നത് വ്യാപകമാകുകയാണ്.

Story Highlights: covid 19, remdesivir

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top