Advertisement

ഇസ്രയേൽ-പലസ്തീൻ സംഘർഷം; പ്രതിഷേധമുയർത്തി അമേരിക്കൻ തെരുവുകൾ

May 16, 2021
Google News 1 minute Read

ഇസ്രയേലിന്റെ ആക്രമണം അവസാനിപ്പിക്കുക, ഗാസയിൽ സമാധാനം സ്ഥാപിക്കുക തുടങ്ങിയ മുദ്രാവാക്യങ്ങളുമുയർത്തി ആയിരക്കണക്കിന് പ്രതിഷേധക്കാരാണ് അമേരിക്കൻ തെരുവുകളിൽ ഒത്തുകൂടിയത്. ലോസ് ആഞ്ചലസ്, ഫിലാഡൽഫിയ, ന്യൂയോർക്, ബോസ്റ്റൺ തുടങ്ങിയ നഗരങ്ങളിലാണ് പ്രതിഷേധങ്ങൾ നടക്കുന്നത്.

ലോസ് ആഞ്ചലസിൽ പ്രതിഷേധക്കാർ പൊതുഗതാഗതം സ്തംഭിപ്പിച്ചു. ‘ പലസ്തീനെ സ്വതന്ത്രമാക്കുക’ എന്നെഴുതിയ പോസ്റ്ററുകളുമായി ഇസ്രയേൽ കോൺസുലേറ്റിലേക്ക് പ്രതിഷേധക്കാർ മാർച്ച് നടത്തി. ആയിരത്തോളം പേർ പ്രതിഷേധത്തിൽ പങ്കെടുത്തു.

ബ്രൂക്ക്ലിൻ, ന്യൂയോർക് തുടങ്ങിയ നഗരങ്ങളിൽ പലസ്തീൻ അനുകൂലികൾ തടിച്ചു കൂടി . തെരുവുവിളക്കുകളുടെ മുകളിൽ കയറി പലസ്തീൻ പതാക നാട്ടുകയും മുദ്രാവാക്യങ്ങൾ വിളിക്കുകയും ചെയ്തു. പ്രതിഷേധക്കാരെ പൊലീസ് എത്തി നിയന്ത്രിക്കുകയായിരുന്നു.

അമേരിക്കയിലെ വിവിധ നഗരങ്ങളിൽ വ്യാപകമായ പ്രതിഷേധങ്ങളാണ് കഴിഞ്ഞ രണ്ട് ദിവസങ്ങളായി റിപ്പോർട്ട് ചെയ്യുന്നത്.

Story Highlights: protest in us cities, over gaza

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here