മുഖ്യമന്ത്രി കഴിഞ്ഞാൽ പ്രായ കൂടുതൽ കെ കൃഷ്ണൻകുട്ടിക്ക്; ചെറുപ്പം വീ​ണാ ജോർജിന്

രണ്ടാം പിണറായി വിജയൻ സർക്കാറിൽ മുഖ്യമന്ത്രി കഴിഞ്ഞാൽ പ്രായം കൂടിയ അംഗം ജെ.ഡി.എസ്സിന്റെ കെ കൃഷ്ണൻകുട്ടിയാണ്. 76 വയസുള്ള അദ്ദേഹം പാലക്കാട് ചിറ്റൂരിൽ നിന്നുള്ള എം.എൽ.എ ആണ്. ഒന്നാം പിണറായി സർക്കാറിലും അംഗമായിരുന്നു കെ കൃഷ്ണൻകുട്ടി.

ജലവിഭവ വകുപ്പിന്റെ ചുമതല വഹിച്ചിരുന്ന അദ്ദേഹം, കഴിഞ്ഞ മന്ത്രിസഭയുടെ കാലാവധി ഏകദേശം പകുതിയായപ്പോഴാണ് മന്ത്രി ആയത്. യു.ഡി.എഫിന്റെ സുമേഷ് അച്യുതനും എൻ.ഡി.എയുടെ വി. നടേശനുമായിരുന്നു കൃഷ്ണൻകുട്ടിയുടെ എതിരാളികൾ. 33,878 വോട്ടുകളുടെ ഭൂരിപക്ഷമാണ് അദ്ദേഹത്തിന് ലഭിച്ചത്.

പത്തനംതിട്ടയിൽ​ നി​ന്നു​ള്ള ആ​ദ്യ വ​നി​ത ​മ​ന്ത്രി വീ​ണാ ജോ​ർ​ജിനാണ് പ്രാ​യം കു​റ​വ്. 44 വയസുള്ള വീ​ണാ സം​സ്ഥാ​ന​ത്ത് മ​ന്ത്രി​പ​ദ​വി​യി​ലെ​ത്തു​ന്ന ആ​ദ്യ മാ​ധ്യ​മ​പ്ര​വ​ർ​ത്ത​കയാണ്. കോ​ൺ​ഗ്ര​സി​ലെ കെ.​കെ ശ്രീ​നി​വാ​സ​നു​ശേ​ഷം ആ​റ​ന്മു​ള​യി​ൽ​ നി​ന്ന്​ തു​ട​ർ​ച്ച​യാ​യി ര​ണ്ടു​വ​ട്ടം തെ​ര​ഞ്ഞെ​ടു​ക്ക​പ്പെ​ടു​ന്ന പ്ര​തി​നി​ധി​കൂ​ടി​യാ​ണ് വീ​ണാ ജോ​ർ​ജ്.