20
Jun 2021
Sunday

കാസർഗോഡ് ചട്ടഞ്ചാലിൽ ടാറ്റാ ഗ്രൂപ്പ് നിർമിച്ചുനൽകിയ കൊവിഡ് ആശുപത്രിയിൽ ചോർച്ച

Leak covid Hospital Tata

കാസർഗോഡ് ചട്ടഞ്ചാലിൽ ടാറ്റാ ഗ്രൂപ്പ്‌ നിർമിച്ചുനൽകിയ കോവിഡ് പ്രത്യേക ആശുപത്രിയിലെ കണ്ടെയ്നറിൽ ചോർച്ച. കനത്തമഴയിൽ സീലിങ് വഴിയും ജനൽ വഴിയുമാണ് വെള്ളം അകത്ത് കയറിയത്. 125 കണ്ടെയ്നറുകൾ ഉള്ളതിൽ നാല്പതിലേറെ കണ്ടെയ്നറുകളിൽ നിലവിൽ രോഗികൾ ചികിൽസയിലുണ്ട്.

കഴിഞ്ഞദിവസം പെയ്ത മഴയിൽ കണ്ടെയ്നറുകളിൽ വെള്ളം കയറിയ ദൃശ്യങ്ങളാണ് ഇപ്പോൾ പുറത്തായിരിക്കുന്നത്. പ്രശ്നം പരിഹരിക്കുന്നതിനായി ടാറ്റ ആശുപത്രിയിലെ മെയിന്റെൻസ് വിഭാഗവുമായി ബന്ധപ്പെട്ട് അടിയന്തര നടപടി സ്വീകരിച്ചതായി ജില്ല കളക്ടർ വ്യക്തമാക്കി.

കൊവിഡ് വ്യാപന പശ്ചാത്തലത്തിൽ കാസർഗോഡ് ജില്ലയുടെ ആരോഗ്യ പരിമിതിക്ക് പരിഹാരമായാണ് യുദ്ധകാലാടിസ്ഥാനത്തിൽ കൊവിഡ് ആശുപത്രി പണിയാൻ സംസ്ഥാന സർക്കാർ തീരുമാനിച്ചത്. 60 കോടി രൂപ മുടക്കി ചട്ടഞ്ചാൽ തെക്കിൽ വില്ലേജിൽ ടാറ്റാ ഗ്രൂപ്പാണ് സൗജന്യമായി ആശുപത്രി നിർമിച്ചത്. കഴിഞ്ഞ വർഷം ഏപ്രിൽ ഒൻപതിന് നിർമാണം ആരംഭിച്ച് സെപ്റ്റംബർ ഒൻപതിന് 541 കിടക്കകളുള്ള പ്രീഫാബ് മാതൃകയിലെ കൊവിഡ് ആശുപത്രി സർക്കാരിന് കൈമാറി.

Story Highlights: Leak at covid Hospital, built by Tata Group

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top