വയനാട് ജില്ലയിൽ ഇന്ന് 244 പേർക്ക് കൊവിഡ്; 839 പേര് രോഗമുക്തരായി

വയനാട് ജില്ലയിൽ ഇന്ന് 244 പേർക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. ആർ രേണുക അറിയിച്ചു. 839 പേർ രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 12.81 ആണ്. 4 ആരോഗ്യ പ്രവർത്തകർക്കും കൊവിഡ് സ്ഥിരീകരിച്ചു. 233 പേർക്ക് സമ്പർക്കത്തിലൂടെയാണ് രോഗബാധ. ഇതോടെ ജില്ലയിൽ കൊവിഡ് സ്ഥിരീകരിച്ചവരുടെ എണ്ണം 57575 ആയി.

839 പേർക്കാണ് ഇന്ന് രോഗമുക്തി ഉണ്ടായത്. 53134 പേർ ഇതുവരെ രോഗമുക്തരായി. നിലവിൽ 3994 പേരാണ് ജില്ലയിൽ ചികിത്സയിലുള്ളത്. ഇവരിൽ 2487 പേർ വീടുകളിലാണ് ഐസൊലേഷനിൽ കഴിയുന്നത്.

കൊവിഡുമായി ബന്ധപ്പെട്ട് ജില്ലയിൽ ഇന്ന് പുതുതായി നിരീക്ഷണത്തിലായത് 1268 പേരാണ്. 2248 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 18264 പേർ. ഇന്ന് പുതുതായി 80 പേർ ആശുപത്രിയിൽ നിരീക്ഷണത്തിലായി. ജില്ലയിൽ നിന്ന് ഇന്ന് 1889 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ 445839 സാമ്പിളുകളാണ് പരിശോധനയ്ക്ക് അയച്ചത്. ഇതിൽ 440804 എണ്ണത്തിന്റെ ഫലം ലഭിച്ചു. 383229 പേർ നെഗറ്റീവും 57575 പേർ പോസിറ്റീവുമാണ്.

Story Highlights: 244 covid cases in wayanad