ബിരിയാണിയിൽ കോഴി കാല് കിട്ടിയില്ല; മന്ത്രിയോട് പരാതി പറഞ്ഞ് യുവാവ്; മറുപടി വൈറൽ

മന്ത്രിമാർക്ക് ലഭിക്കുന്ന പരാതികളിൽ ചിലത് രസകരമാണ്. അത്തരത്തിലൊരു പരാതിയും അതിന് മന്ത്രി നൽകിയ മറുപടിയുമാണ് ഇന്ന് സമൂഹമാധ്യമങ്ങളിൽ ചിരിപടർത്തിയിരിക്കുന്നത്.

ബിരിയാണിയിൽ ചിക്കന്റെ ലെ​ഗ് പീസ് ലഭിച്ചില്ലെന്ന് പറഞ്ഞ് ഒരാൾ തെലങ്കാന മന്ത്രി കെ.ടി രാമ റാവുവിന് പരാതി നൽകുന്നതോടെയാണ് സംഭവങ്ങളുടെ തുടക്കം. പരാതി ഇങ്ങനെ :

ഞാൻ ചിക്കൻ ബിരിയാണി വിത്ത് എക്സ്ട്രാ മസാലയും ലെ​ഗ് പീസും ഓർഡർ ചെയ്തു. എന്നാൽ എനിക്ക് ലെ​ഗ് പീസ് ലഭിച്ചില്ല. ഇങ്ങനെയാണോ ആളുകൾക്ക് ഭക്ഷണം നൽകുന്നത് ?

ഒരു പ്ലേറ്റ് ബിരിയാണിയുടെ ചിത്രവും ട്വീറ്റിനൊപ്പം നൽകിയിട്ടുണ്ട്. ഇതിന് മറുപടിയുമായി കെ.ടി.ആറും എത്തി.

മറുപടി :

എന്തിനാണ് സഹോദര എന്നെ ടാ​ഗ് ചെയ്തിരിക്കുന്നത് ? ഞാൻ എന്താണ് ചെയ്യേണ്ടത് ?

And why am I tagged on this brother? What did you expect me to do ?? https://t.co/i7VrlLRtpV

— KTR (@KTRTRS) May 28, 2021

ഇതോടെ സംഭവം വൈറലായി. നിരവധി പേരാണ് ഇത് റീട്വീറ്റ് ചെയ്തത്.

He is expecting CBI enquiry Immediately?.@zomato

— B Srikanth Rao (@BSrikanthRao) May 28, 2021

He want leg piece

— Ershad Tarakian (@Ershad99999) May 28, 2021

Story Highlights: Telangana minister response to man complaining about biryani