23
Jun 2021
Wednesday

8 വയസുകാരനെ കൊണ്ട് കൊവിഡ് സെന്ററിലെ ശൗചാലയം വൃത്തിയാക്കിച്ചു; ദൃശ്യങ്ങൾ സമൂഹമാധ്യമങ്ങളിൽ

മഹാരാഷ്ട്രയിലെ ബുൽദാന ജില്ലയിൽ എട്ട് വയസ്സുകാരനെ കൊണ്ട് കൊവിഡ് സെന്ററിലെ ശൗചാലയം വൃത്തിയാക്കിച്ചെന്ന് പരാതി. കുട്ടി ശൗചാലയം വൃത്തിയാക്കുന്ന വിഡിയോ സാമൂഹമാധ്യമങ്ങളിൽ പ്രചരിച്ചതോടെയാണ് സംഭവം പുറംലോകമറിഞ്ഞത്.

ബുൽദാന ജില്ലയിലെ മാരോഡ് ഗ്രാമത്തിൽ കൊവിഡ് ക്വാറന്റീൻ കേന്ദ്രത്തിലാണ് എട്ടുവയസ്സുകാരനെ ശുചീകരണ ജോലിക്കായി നിയോഗിച്ചത്. ഗ്രാമ പഞ്ചായത്തിലെ ജീവനക്കാരനാണ് കുട്ടിയെ ഈ ജോലി ഏൽപ്പിച്ചത്. അതേസമയം, പഞ്ചായത്തിലെ ഗ്രൂപ്പ് ഡെവലപ്മെന്റ് ഓഫീസർക്കും ഇക്കാര്യം അറിയാമെന്നാണ് ജീവനക്കാരന്റെ വാദം.

സംഭവം വിവാദമായതോടെ ജില്ലാ മജിസ്ട്രേറ്റ് അന്വേഷണത്തിന് ഉത്തരവിട്ടു. ഇതിനായി അന്വേഷണസമിതിയും രൂപവത്കരിച്ചു. മൂന്ന് ദിവസത്തിനകം അന്വേഷണം നടത്തി റിപ്പോർട്ട് സമർപ്പിക്കാനാണ് ജില്ലാ മജിസ്ട്രേറ്റ് സമിതിയോട് ആവശ്യപ്പെട്ടിരിക്കുന്നത്. സംഭവത്തിൽ ഉത്തരവാദികളായ ജീവനക്കാർക്കെതിരേ കർശന നടപടി സ്വീകരിക്കണമെന്ന് ബിജെപി നേതാവ് ചിത്ര വാഗും മുഖ്യമന്ത്രി ഉദ്ദവ് താക്കറയോട് ആവശ്യപ്പെട്ടു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top