‘തലതിരിഞ്ഞ’ വര ആൽബിയുടെ തലവര മാറ്റി

തല തിരിച്ചു വരച്ച ഛായാചിത്രങ്ങൾ ആൽബി.എസ്.ജോണിൻറെ തലവര തന്നെ മാറ്റി. പ്രമുഖ വ്യക്തികളുടെ പടം വരച്ച് ഇന്ത്യാ ബുക്ക് ഓഫ് റെക്കോർഡ്‌സിൽ ഇടം നേടിയിരിക്കുകയാണ് കുന്നിക്കോട് വെളിന്തറ വീട്ടിൽ ആൽബി.

ചെറുപ്പം മുതലേ ചിത്ര രചനയോട് വലിയ താല്പര്യമായിരുന്നെങ്കിലും മത്സരങ്ങളിൽ പങ്കെടുത്തിരുന്നില്ല. ലോക്ക്ഡൗണായി വീട്ടിൽ ഇരിക്കാൻ തുടങ്ങിയതോടെ പഴയ താല്പര്യം വീണ്ടും പൊടി തട്ടിയെടുക്കുകയായിരുന്നു.

ആദ്യം വരച്ച ചിത്രങ്ങൾക്ക് വലിയ പ്രോത്സാഹനം ലഭിച്ചതോടെയാണ് കൂടുതൽ ചിത്രങ്ങൾ വരയ്ക്കാൻ തുടങ്ങിയത്.