23
Jun 2021
Wednesday

നിയമനം നിലച്ച് വനിതാ പൊലീസ് റാങ്ക് ലിസ്റ്റ്

woman police rank list placement halts

നിയമനം നിലച്ച് വനിതാ പൊലീസ് റാങ്ക് ലിസ്റ്റ്. രണ്ടുമാസം മാത്രം കാലാവധി ശേഷിക്കുന്ന റാങ്ക് പട്ടികയില്‍ നിന്ന് പിഎസ്സി നിയമനം നല്‍കിയത് വെറും 350 പേർക്ക് മാത്രം. കേരളാ പൊലീസില്‍ വനിതാ പ്രാതിനിധ്യം 15 ശതമാനമാക്കുമെന്ന ഒന്നാം പിണറായി സർക്കാരിന്‍റെ വാഗ്ദാനം സർക്കാർ നടിപ്പാലാക്കണമെന്നും ഉദ്യോഗാർത്ഥികള്‍ ആവശ്യപ്പെടുന്നു.

2017 ലെ വിജ്ഞാപന പ്രകാരം 2018 ല്‍ പി എസ് സി എഴുത്തു പരീക്ഷയും ശാരീരിക ക്ഷമതാ പരിശോധനയും നടത്തി. 2020 ഓഗസ്റ്റ് 3 ന് രണ്ടായിരം പേരുടെ റാങ്ക്ലിസ്റ്റും പ്രസിദ്ധീകരിച്ചു. 646 പേർക്ക് അഡ്വൈസ് മെമ്മോ അയച്ചെങ്കിലും നിയമനം ലഭിച്ചത് 353 പേർക്ക് മാത്രം. ഇക്കഴിഞ്ഞ ജനുവരിക്ക് ശേഷം പുതിയ ഒഴിവുകള്‍ റിപ്പോർട്ട് ചെയ്തിട്ടുമില്ല. നടപടികള്‍ ധ്രുത ഗതിയിലാക്കിയാല്‍ നിയമനം ലഭിക്കുമെന്ന് റാങ്ക് പട്ടികയിലിടം നേടിയ ഉദ്യോർഗാർത്ഥികള്‍ക്ക് ഉറപ്പുണ്ട്. എന്നാല്‍ രണ്ടുമാസത്തിനകം റാങ്കുപട്ടിക കാലഹരണപ്പെടുമെന്നതിനാല്‍ ആശങ്കയിലാണ് പലരും. ഇക്കഴിഞ്ഞ മാർച്ചില്‍ മെഡിക്കലും പോലീസ് വെരിഫിക്കേഷനും കഴിഞ്ഞ 107 പേരും നിയമനത്തിനായി കാത്തിരിക്കുകയാണ്.

നിലവില്‍ 9 ശതമാനമാണ് പൊലീസ് സേനയിലെ വനിതാ പ്രാതിനിധ്യം. ഇത് 15 ആക്കി ഉയർത്തുമെന്ന് കഴിഞ്ഞസർക്കാർ വാഗ്ദാനം ചെയ്തിരുന്നു. സർക്കാർ ഈ വാഗ്ദാനം പാലിക്കണമെന്ന് ഉദ്യോർഗാർത്ഥികള്‍ ആവശ്യപ്പെടുന്നു.

Story Highlights: woman police rank list placement

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top