24
Jun 2021
Thursday

ഫോയ്ത്ത് ഇല്ല; കോപ്പ അമേരിക്കയ്ക്കുള്ള ടീം പ്രഖ്യാപിച്ച് അർജന്റീന

Argentina Copa America squad

കോപ്പ അമേരിക്കയ്ക്കുള്ള 28 അംഗ ടീം പ്രഖ്യാപിച്ച് അർജൻ്റീന. വിയ്യാറയലിൻ്റെ യുവ പ്രതിരോധ താരം യുവാൻ ഫോയ്ത്തിനെ ഒഴിവാക്കിയാണ് പരിശീലകൻ ലയണൽ സ്കലോണി ടീം പ്രഖ്യാപിച്ചത്. സെവിയ്യയുടെ വിങ്ങർ ലൂക്കാസ് ഒക്കമ്പസും ടീമിൽ ഇടം നേടിയില്ല. ടീമിലെ പ്രധാനികളായ രണ്ട് താരങ്ങളെ ഒഴിവാക്കുക വഴി ശക്തമായ സന്ദേശമാണ് സ്കലോണി നൽകിയിരിക്കുന്നത്.

മികച്ച താരങ്ങളായ ഫോയ്ത്തിനും ഒക്കമ്പസിനും സ്കലോണി തുടരെ അവസരങ്ങൾ നൽകിയിരുന്നു. ഇരുവരും ഇതുവരെ ഫോമിൽ എത്തിയിട്ടില്ല. ഇത് വലിയ വിമർശനങ്ങൾക്കും വഴിയൊരുക്കി. ഇതിനു പിന്നാലെയാണ് ഇരുവരെയും സ്കലോണി ഒഴിവാക്കിയത്. കഴിഞ്ഞ സീസണിൽ സെവിയ്യയ്ക്കായും ഒക്കമ്പസ് മങ്ങിയ പ്രകടനങ്ങളാണ് കാഴ്ചവച്ചത്.

1993 മുതൽ തുടരുന്ന കിരീട വരൾച്ചയ്ക്ക് അന്ത്യം കുറിയ്ക്കാനാണ് ലയണൽ മെസിയും സംഘവും ഇറങ്ങുന്നത്. ലോകകപ്പ് യോഗ്യതാ മത്സരങ്ങളിലൂടെ അരങ്ങേറിയ ക്രിസ്ത്യൻ റൊമേറോ, മോളിനോ ലുസേറോ എന്നിവർ കോപ്പ ടീമിൽ ഇടം നേടി. ഇരുവരും പ്രതിരോധ താരങ്ങളാണ്.

ഉറു​ഗ്വേ, ബോളിവിയ, പാരാ​ഗ്വേ, ചിലി എന്നിവർ അടങ്ങുന്ന ഗ്രൂപ്പ് എയിലാണ് അർജൻ്റീന. തിങ്കളാഴ്ച ചിലിക്കെതിരെയാണ് മെസിയും സംഘവും കോപ്പയിലെ ആദ്യ അങ്കത്തിന് ഇറങ്ങുക.

Story Highlights: Argentina Copa America squad announced

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top