‘കൊവിഡ് മരണങ്ങള്‍ മറച്ചുവയ്ക്കുന്നത് അംഗീകരിക്കാനാകില്ല’: മദ്രാസ് ഹൈക്കോടതി

കൊവിഡ് മരണങ്ങള്‍ മറച്ചുവയ്ക്കുന്നത് അംഗീകരിക്കാനാകില്ലെന്ന് മദ്രാസ് ഹൈക്കോടതി. ഇത് മരിച്ചവരുടെ കുടുംബത്തോട് ചെയ്യുന്ന നീതികേടാകും. കൊവിഡ് മരണങ്ങള്‍ സംബന്ധിച്ച കൃത്യമായ വിവരങ്ങള്‍ സര്‍ക്കാര്‍ വെളിപ്പെടുത്തണമെന്നും മദ്രാസ് ഹൈക്കോടതി നിര്‍ദേശിച്ചു.

കൊവിഡ് മരണം സംബന്ധിച്ച വിവരങ്ങള്‍ക്കായി വിദഗ്ധ സമിതിയെ ചുമതലപ്പെടുത്തണമെന്ന് കോടതി നിര്‍ദേശിച്ചു. ഇതുമായി ബന്ധപ്പെട്ട് ഈ മാസം 28നകം റിപ്പോര്‍ട്ട് സമര്‍പ്പിക്കാനും കോടതി നിര്‍ദേശിച്ചു.

കൊവിഡ് മൂന്നാം തരംഗം നേരിടാന്‍ കൃത്യമായ തയാറെടുപ്പുകള്‍ വേണം. കേന്ദ്ര സംസ്ഥാന സര്‍ക്കാരുകള്‍ ഇതിനായി മുന്നൊരുക്കങ്ങള്‍ നടത്തണമെന്നും മദ്രാസ് ഹൈക്കോടതി കൂട്ടിച്ചേര്‍ത്തു.

Story Highlights: madras high court, covid 19