25
Jul 2021
Sunday

കോപ്പ അമേരിക്ക: ബ്രസീലിന് നാളെ രണ്ടാം മത്സരം

copa america brazil peru

കോപ്പ അമേരിക്കയിൽ നാളെ ബ്രസീലിന് രണ്ടാം മത്സരം. ആദ്യ മത്സരത്തിൽ വെനിസ്വേലയെ മടക്കമില്ലാത്ത മൂന്ന് ഗോളുകൾക്ക് തകർത്ത ബ്രസീലിന് പെറുവാണ് നാളെ എതിരാളികൾ. ഇന്ത്യൻ സമയം പുലർച്ചെ 5.30ന് റിയോ ഡി ജനീറോയിലെ ഒളിമ്പിക് സ്റ്റേഡിയത്തിലാണ് മത്സരം. നാളെ നടക്കുന്ന മറ്റൊരു മത്സരത്തിൽ ഇന്ത്യൻ സമയം 2.30ന് വെനിസ്വേലയെയും നേരിടും.

ടീമും ഫോമും പരിഗണിക്കുമ്പോൾ പെറു ബ്രസീലിന് അത്ര കരുത്തരായ എതിരാളികളല്ല. എന്നാൽ, 2019 കോപ്പയിൽ ഫൈനൽ വരെയെത്തിയ ടീമാണ് പെറു. അതുകൊണ്ട് തന്നെ പെറുവിനെ നിസ്സാരരായി കാണാനാവില്ല. എന്നാൽ, ഫൈനലിൽ പെറുവിനെ ഒന്നിനെതിരെ മൂന്ന് ഗോളുകൾക്ക് തകർത്ത് ബ്രസീൽ കപ്പടിച്ചു എന്നത് ചരിത്രത്തിൻ്റെ ബാക്കിയാണ്. ഇക്കാരണം കൊണ്ടു തന്നെ ഫൈനൽ തോൽവിക്ക് പ്രതികാരം ചെയ്യുക എന്ന ലക്ഷ്യവും പെറുവിനുണ്ടാവും. അതേസമയം, കോപ്പയിൽ തുടർച്ചയായ ഏഴ് ജയങ്ങളാണ് ഇതുവരെ ബ്രസീൽ കുറിച്ചിരിക്കുന്നത്. 2016ലാണ് നിലവിലെ ചാമ്പ്യന്മാർ അവസാനമായി പരാജയപ്പെട്ടത്. അന്ന് എതിരാളികൾ ഇതേ പെറു ആയിരുന്നു.

ഇരു ടീമുകളും അവസാന 10 വട്ടം ഏറ്റുമുട്ടിയപ്പോൾ ഏഴിലും ബ്രസീൽ തന്നെയാണ് വിജയിച്ചത്. ഒരു തവണ പെറു വിജയിച്ചു.

നാളെ നടക്കുന്ന മറ്റൊരു മത്സരത്തിൽ കൊളംബിയ വെനിസ്വേലയെ നേരിടും. ഇക്വഡോറിനെതിരെ നടന്ന ആദ്യ മത്സരത്തിൽ കൊളംബിയ വിജയിച്ചിരുന്നു. അതേസമയം, വെനിസ്വേലയാവട്ടെ, ആദ്യ മത്സരത്തിൽ ബ്രസീലിനോട് കീഴടങ്ങി.

Story Highlights: copa america brazil vs peru tomorrow

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top