25
Jul 2021
Sunday

ചായയ്‌ക്കൊപ്പം നല്ല ചൂട് മസാല വട ആയാലോ

ഈ മഴക്കാലത്ത് വൈകിട്ട് ചായയ്‌ക്കൊപ്പം കൂടെ കഴിക്കാൻ രുചികരമായ മസാല വട ആയാലോ? വ്യത്യസ്‍തമായ രുചിയിലുള്ള ഈ മസാല വട എത്ര കഴിച്ചാലും മതി വരില്ല.

ചേരുവകൾ

കടല പരിപ്പ് – 1 കപ്പ്
കറുവപ്പട്ട – ചെറിയ കഷ്ണം
പച്ചമുളക് – 3എണ്ണം
വെളുത്തുള്ളി – 3 അല്ലി
ഇഞ്ചി – ചെറിയ കഷ്ണം
പെരുംജീരകം – 1 ടീസ്പൂൺ
സവാള -1 അരിഞ്ഞത്
കറിവേപ്പില – അരിഞ്ഞത് ആവശ്യത്തിന്
മല്ലിയില – അരിഞ്ഞത് ആവശ്യത്തിന്
കായപ്പൊടി – 1/8 ടീസ്പൂൺ
ഉപ്പ് – 1/2 ടീസ്പൂൺ
എണ്ണ – വറുക്കാൻ അവിശ്യത്തിന്

തയാറാക്കുന്ന വിധം

പരിപ്പ് മൂന്ന് മണിക്കൂർ കുതിർക്കാൻ വെക്കണം. ഒരു മിക്സിയുടെ ജാറിൽ കറുവപ്പട്ട, ഇഞ്ചി, വെളുത്തുള്ളി, പച്ചമുളക്, പെരുംജീരകം എന്നിവ തരുതരിപ്പായി അരച്ചെടുക്കുക, അതിലേക്ക് കുതിർത്ത പരിപ്പ് ചേർത്ത് അരച്ചെടുക്കുക , കുറച്ച് തരുതരിപ്പായി വേണം അരച്ചെടുക്കാൻ. അരച്ചെടുത്ത കൂട്ടിലേക്ക് സവാള അരിഞ്ഞത്, കായപ്പൊടി, കറിവേപ്പില, മല്ലിയില , ഉപ്പ് ചേർത്ത് മിക്സ് ചെയ്‌ത് പരിപ്പ് വടയുടെ ആകൃതിയിൽ പരത്തി എടുത്ത് ചൂടായ എണ്ണയിൽ വറുത്തെടുക്കുക . രുചികരമായ മസാല വട റെഡി. ഇനി ചായയുടെ കൂടെ ആസ്വദിച്ച് കഴിക്കാം.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top