06
Aug 2021
Friday

ബ്രണ്ണന്‍ വിവാദം; മുഖ്യമന്ത്രിയുടേത് ഭരണപരാജയം മറച്ചുവയ്ക്കാനുള്ള നാടകമെന്ന് കെ. മുരളീധരന്‍

മുഖ്യമന്ത്രി പിണറായി വിജയനും കെ.പി.സി.സി അധ്യക്ഷന്‍ കെ. സുധാകരനും തമ്മിലുള്ള വാക്‌പോരില്‍ പ്രതികരിച്ച് കോണ്‍ഗ്രസ് നേതാവ് കെ. മുരളീധരന്‍. ഭരണപരാജയം മറച്ചുവയ്ക്കാനുള്ള നാടകമാണ് മുഖ്യമന്ത്രിയുടേതെന്ന് കെ. മുരളീധരന്‍ പറഞ്ഞു. ആരോപണങ്ങളില്‍ കെ. സുധാകരന്‍ മറുപടി പറഞ്ഞു കഴിഞ്ഞുവെന്നും ചര്‍ച്ചയാക്കി ഇത് നീട്ടിക്കൊണ്ടുപോകേണ്ട കാര്യമില്ലെന്നും കെ. മുരളീധരന്‍ പറഞ്ഞു.

വാരികയില്‍ വന്ന റിപ്പോര്‍ട്ടിന്റെ അടിസ്ഥാനത്തില്‍ പറഞ്ഞ് ഉറപ്പിച്ച പോലെയുള്ള ചോദ്യമാണ് ഉന്നയിക്കപ്പെട്ടത്. മുഖ്യമന്ത്രി മറുപടി എഴുതി വായിക്കുകയായിരുന്നു. മറുപടി എഴുതിക്കൊണ്ടുവന്ന സ്ഥിതിക്ക് അറിഞ്ഞ് ചോദിച്ച ചോദ്യമാണ്. ഒറ്റവരി ചോദ്യത്തിന് പന്ത്രണ്ട് പേജ് ഉത്തരമെന്ന് പറഞ്ഞ പോലെ ഒരു സെക്കന്റ് ചോദ്യത്തിന് 26 മിനിട്ടാണ് മറുപടി നല്‍കിയത്. അതില്‍ പറഞ്ഞ കാര്യങ്ങളില്‍ പലതും സമയവും സന്ദര്‍ഭവുമായി ചേര്‍ന്നതല്ല. വാര്‍ത്തയുടെ സത്യാവസ്ഥ മനസിലാക്കാതെയാണ് മുഖ്യമന്ത്രി മറുപടി പറഞ്ഞതെന്നും കെ. മുരളീധരന്‍ വ്യക്തമാക്കി.

Story Highlights: K muraleedharan, k sudhakaran, pinarayi vijayan

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top