27
Jul 2021
Tuesday

വിരുന്നിൽ മട്ടൺ കറി വിളമ്പിയില്ല; വിവാഹത്തിൽ നിന്ന് പിന്മാറി വരൻ; അന്ന് തന്നെ മറ്റൊരു വിവാഹം കഴിച്ചു

ഒഡീഷയിൽ വിവാഹ വിരുന്നിൽ മട്ടൺ കറി വിളമ്പാത്തതിൽ പ്രതിഷേധിച്ച് വിവാഹത്തിൽ നിന്ന് പിന്മാറി വരൻ. ഒഡിഷയിലെ സുകിന്ദയിൽ ബുധനാഴ്ചയാണ് കേട്ടു കേൾവി പോലുമില്ലാത്തെ സംഭവം അരങ്ങേറിയത്.

വധുവിന്റെ വീട്ടിൽ വിവാഹ ചടങ്ങുകൾക്കായി എത്തിയതായിരുന്നു വരനായ രമാകാന്ത് പത്രയും കുടുംബവും. കിയോൻജാർ ജില്ലയിലെ റേബനാപാലസ്​പാൽ സ്വദേശിയാണ്​ ഇയാൾ. സുകിന്ദയിലെ ബന്ദഗോൺ ഗ്രാമത്തിലെ വധുവിൻറെ വീട്ടിലെത്തിയ വരനെയും കുടുംബത്തെയും ആർഭാഡപൂർവം വീട്ടിലേക്ക്​ ക്ഷണിക്കുകയും വിരുന്നൊരുക്കുകയും ചെയ്​തിരുന്നു. പിന്നീട് ഭക്ഷണം കഴിക്കാൻ ക്ഷണിക്കുകയും ചെയ്തു.

ഭക്ഷണ ഹാളിൽ എത്തിയപ്പോൾ തന്നെ വരന്റെ കുടുംബത്തിലെ ചിലർ മട്ടൺ കറി ആവശ്യപ്പെട്ടിരുന്നു. മട്ടൺ കറി തയ്യാറാകാത്തതിനെ ചൊല്ലി വരന്റെ ബന്ധുക്കൾ വധുവിന്റെ ബന്ധുക്കളുമായും പാചകക്കാരുമായും തർക്കത്തിൽ ഏർപ്പെട്ടു. സംഭവം അറിഞ്ഞ്​ അവിടെയെത്തിയ രമാകാന്ത് മട്ടൺ കറി തയാറായില്ലെന്ന്​ അറിഞ്ഞതോടെ വിവാഹം നിർത്തിവെക്കാൻ ആവശ്യപ്പെടുകയായിരുന്നു.

എന്നാൽ ആ തീരുമാനത്തിൽ നിതിൻ പിന്മാറണമെന്ന് വധുവിന്റെ വീട്ടുക്കാർ ആവശ്യപ്പെട്ടെങ്കിലും അതിന്​ തയാറാകാതെ വരനും കുടുംബവും സുകിന്ദയിലെ കുഹിക പഞ്ചായത്തിലെ ബന്ധുവിന്റെ വീട്ടിലേക്ക് മടങ്ങുകയായിരുന്നു.

അതേസമയം, ബുധനാഴ്​ച രാത്രി തന്നെ രമാകാന്ത് മറ്റൊരു യുവതിയെ വിവാഹം കഴിക്കുകയും ചെയ്തു. അതിന് ശേഷമാണ് രാമകാന്ത് തന്റെ നാട്ടിലേക്ക് തിരിച്ച് പോയത്. സംഭവുമായി ബന്ധപ്പെട്ട് വധുവിന്റെ കുടുംബം ഇതുവരെ പോലീസിൽ പരാതി നൽകിയിട്ടില്ല.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top