02
Aug 2021
Monday

സ്ത്രീധന പീഡനം; ഭർതൃ വീട്ടിലെ ക്രൂരത വിഡിയോ വഴി പുറത്തറിയിച്ച ശേഷം യുവതി തൂങ്ങി മരിച്ചു

സ്ത്രീധന പീഡനത്തെ തുടർന്ന് യുവതി തൂങ്ങി മരിച്ചു. തമിഴ്‌നാട്ടിലാണ് സംഭവം. തിരുവള്ളൂർ സ്വദേശിനിയായ ജ്യോതിശ്രീയാണ് മരിച്ചത്. ഭർതൃ വീട്ടിലെ ക്രൂരത വിഡിയോ വഴി പുറംലോകത്തെ അറിയിച്ച ശേഷമാണ് ജ്യോതിശ്രീ ജീവനൊടുക്കിയത്.

തന്റെ മരണത്തിന് കാരണക്കാർ ഭർത്താവും അമ്മായിയമ്മയുമാണെന്നാണ് ജ്യോതിശ്രീ വിഡിയോയിലൂടെ പറഞ്ഞത്. കരഞ്ഞ്, കരഞ്ഞ് കണ്ണുനീർ ഇല്ലാതായി. വിവാഹം കഴിഞ്ഞതു മുതൽ സ്ത്രീധനത്തിന്റെ പേരിൽ ക്രൂരമായ പീഡനമാണ് അനുഭവിക്കുന്നത്. തന്റെ മനോനില ശരിയല്ലെന്നാണ് ഭർതൃ വീട്ടുകാർ പറയുന്നതെന്നും ജ്യോതിശ്രീ വിഡിയോയിൽ പറഞ്ഞു.

കഴിഞ്ഞ ഡിസംബർ 25നായിരുന്നു തിരുമുള്ളവയൽ സ്വദേശിയായ ബാലമുരുകനുമായുള്ള ജ്യോതിശ്രീയുടെ വിവാഹം. 60 പവൻ സ്വർണവും 25 ലക്ഷം രൂപയുമാണ് സ്ത്രീധനമായി ഇരു വീട്ടുകാരും പറഞ്ഞുറപ്പിച്ചിരുന്നത്. സ്വർണം നൽകിയെങ്കിലും പറഞ്ഞ തുക നൽകാൻ സാധിച്ചില്ല. ഇതിന്റെ പേരിലായിരുന്നു പീഡനം. സംഭവത്തെക്കുറിച്ച് ജ്യോതിശ്രീ മാതാപിതാക്കളോട് പരാതിപ്പെട്ടിരുന്നെങ്കിലും സഹിച്ചു നിൽക്കാനായിരുന്നു ഉപദേശം.

ജ്യോതിശ്രീ എഴുതിയ ആത്മഹത്യാക്കുറിപ്പ് പൊലീസ് കണ്ടെടുത്തിട്ടുണ്ട്. സംഭവത്തിൽ ജ്യോതിശ്രീയുടെ ഭർത്താവ് ഉൾപ്പെടെ മൂന്ന് പേരെ പൊലീസ് അറസ്റ്റ് ചെയ്തു.

Story Highlights: Tamilnadu, suicide, dowry

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top