30
Jul 2021
Friday

അഴിമതി കേസിൽ 10 വർഷം തടവ്; ഓംപ്രകാശ് ചൗതാല ജയിൽ മോചിതനായി

അധ്യാപക നിയമനത്തിന് അഴിമതി നടത്തിയതിന് പത്ത് വർഷം ശിക്ഷിക്കപ്പെട്ട മുൻ മുഖ്യമന്ത്രി ഓംപ്രകാശ് ചൗതാല ജയിൽ മോചിതനായി. പരോളിലായിരുന്ന ചൗതാല നടപടിക്രമങ്ങൾ പൂർത്തിയാക്കാൻ തിഹാർ ജയിലിലെത്തിയിരുന്നു.

കൊവിഡ് പശ്ചാത്തലത്തിൽ ജയിൽ തിങ്ങി നിറയുന്നത് ഒഴിവാക്കാനായി പത്ത് വർഷം ശിക്ഷിക്കപ്പെട്ട തടവുക്കാർ ഒമ്പതര വർഷം പൂർത്തിയാക്കിയെങ്കിൽ അവരെ വിട്ടയക്കാൻ ഡൽഹി സർക്കാർ നേരത്തെ തീരുമാനിച്ചിരുന്നു. ഒമ്പത് വർഷവും ഒമ്പത് മാസത്തേയും ശിക്ഷ അനുഭവിച്ചിട്ടാണ് ഓംപ്രകാശ് ചൗതാല ജയിൽ മോചിതനായിരിക്കുന്നത്.

കൊവിഡ് പടർന്നുപിടിക്കുന്ന സാഹചര്യം കണക്കിലെടുത്ത് 2020 മാർച്ച് 26 ന് ഓംപ്രകാശ ചൗതാലയ്ക്ക് അടിയന്തര പരോൾ അനുവദിച്ചിരുന്നു. കഴിഞ്ഞ ഫെബ്രുവരി 21 ന് ജയിലിൽ മടങ്ങിയെത്താനിരിക്കെയാണ് ഹൈക്കോടതി പരോൾ നീട്ടി നൽകിയത്.

2013ലാണ്​ 3206 അധ്യാപകരെ അനധികൃതമായി നിയമിച്ച കേസിൽ ഓംപ്രകാശ് ചൗതാല, മകൻ അജയ്​ ചൗതാല, ഐ.എ.എസ്​ ഉദ്യേഗസ്​ഥൻ ഉൾപ്പെടെ 53 പേരെ​ സി.ബി.ഐ പ്രത്യേക കോടതി ശിക്ഷിച്ചത്.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top