30
Jul 2021
Friday

ബിജെപിയും ശിവസേനയും ഇന്ത്യയും പാകിസ്ഥാനും പോലെ അല്ല; ആമിര്‍ ഖാനും കിരണ്‍ റാവുവും പോലെ: ശിവസേന നേതാവ് സഞ്ജയ് റാവത്ത്

ബിജെപിയും ശിവസേനയും ഇന്ത്യയും പാകിസ്ഥാനും പോലെ അല്ലെന്നും ആമിര്‍ ഖാനും കിരണ്‍ റാവുവും പോലെയാണെന്നും ശിവസേന നേതാവ് സഞ്ജയ് റാവത്ത് മാധ്യമങ്ങളോട് പറഞ്ഞു. കഴിഞ്ഞ ദിവസമാണ് ബോളിവുഡ് നടനായ ആമിര്‍ ഖാനും കിരണ്‍ റാവുവും 15 വര്‍ഷത്തെ വിവാഹബന്ധം അവസാനിപ്പിച്ച് വേര്‍പിരിഞ്ഞത്. ഡിവോഴ്‌സിന് ശേഷവും നല്ല സുഹൃത്തുക്കളായി തുടരുമെന്നും ഇരുവരും അറിയിച്ചിരുന്നു.

ബിജെപിയും ശിവസേനയും തമ്മിലുള്ള രാഷ്ട്രീയ വഴികള്‍ രണ്ടാണ്. പക്ഷേ അവരുമായുള്ള സൗഹൃദം ഇപ്പോഴും നിലനില്‍ക്കുന്നുവെന്നും ശിവസേന നേതാവ് സഞ്ജയ് റാവത്ത് പറഞ്ഞു . അതേസമയം, ബിജെപിയുമായുള്ള സഖ്യസാധ്യതകളെക്കുറിച്ചുള്ള ചോദ്യങ്ങളില്‍നിന്ന് അദ്ദേഹം ഒഴിഞ്ഞുമാറി. ബിജെപിയും ശിവസേനയും തമ്മില്‍ ശത്രുതയൊന്നുമില്ലെന്ന് കഴിഞ്ഞ ദിവസം ബിജെപി നേതാവ് ദേവേന്ദ്ര ഫഡ്‌നവിസ് പറഞ്ഞിരുന്നു.

ശിവസേന നേതാവും മുഖ്യമന്ത്രിയുമായ ഉദ്ധവ് താക്കറെയും പ്രധാനമന്ത്രി നരേന്ദ്രമോദിയും സ്വകാര്യ സംഭാഷണം നടത്തിയതോടെയാണ് മഹാരാഷ്ട്രയിലെ രാഷ്ട്രീയ സംഭവങ്ങള്‍ ദേശീയ ശ്രദ്ധയാകര്‍ഷിച്ചത്.

Story Highlights: Not India-Pak But Aamir Khan-Kiran Rao”: Sanjay Raut , BJP- Shiv sena

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top