01
Aug 2021
Sunday

വിംബിൾഡൺ പുരുഷ ഫൈനൽ നിയന്ത്രിക്കുന്ന ആദ്യ വനിതാ അമ്പയറായി മരിജ സിചക്

Marija Cicak Umpire Wimbledon

വിംബിൾഡണിൽ ചരിത്രം കുറിക്കാനൊരുങ്ങി മരിജ സിചക്. വിംബിൾഡൺ പുരുഷ ഫൈനൽ നിയന്ത്രിക്കുന്ന ആദ്യ വനിതാ അമ്പയർ എന്ന നേട്ടമാണ് ഞായറാഴ്ച മരിജയെ കാത്തിരിക്കുന്നത്. 43കാരിയായ ക്രൊയേഷ്യൻ അമ്പയർ നേരത്തെ വിംബിൾഡൺ വനിതാ ഫൈനലുകൾ നിയന്ത്രിച്ചിട്ടുണ്ട്.

ആറാം വിംബിൾഡൺ തേടി ഇറങ്ങുന്ന ലോക ഒന്നാം നമ്പർ താരം നൊവാക് ജോക്കോവിചും ഇറ്റാലിയൻ താരം ഏഴാം സീഡ് മത്തെയോ ബരെറ്റിനിയും തമ്മിൽ ഞായറാഴ്ച ആണ് ഫൈനൽ പോരാട്ടം.

2014ൽ പെട്ര ക്വിറ്റോവയും യൂജീൻ ബൗച്ചാർഡും തമ്മിൽ നടന്ന വിംബിൾഡൺ വനിതാ ഫൈനലും 2017ലെ വനിതാ ഡബിൾസ് ഫൈനലും നിയന്ത്രിച്ചത് മരിജ ആയിരുന്നു. 15 വിംബിൾഡണുകളിലും 3 ഒളിമ്പിക്സുകളിലും ഇവർ മത്സരങ്ങൾ നിയന്ത്രിച്ചിട്ടുണ്ട്.

സെമിയിൽ കനേഡിയൻ താരം ഡെനിസ് ഷാപൊവലോവിനെ നേരിട്ടുള്ള സെറ്റുകൾക്ക് ജോകോവിച്ച്‌ തോൽപ്പിച്ചപ്പോൾ ഫെഡററെ വീഴ്ത്തിയ ഹുബർട്ട് ഹുർകാസിനെ വീഴ്ത്തിയാണ് മത്തെയോ ബരെറ്റിനി ഫൈനൽ യോഗ്യത നേടിയത്. ബരെറ്റിനിയുടെ ആദ്യ വിംബിൾഡൺ ഫൈനലാണ് ഇത്. നാളെയാണ് മത്സരം.

Story Highlights: Marija Cicak To Be First Woman To Umpire Wimbledon Men’s Final

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top