25
Jul 2021
Sunday

ഇത് ഐപിഎൽ ഓൾ സ്റ്റാർസ് ഇലവൻ പോലെ; ഇന്ത്യയുടെ രണ്ടാം നിര ടീമിനെ പുകഴ്ത്തി ശ്രീലങ്കൻ പരിശീലകൻ

Mickey Arthur Lauds India

ഇന്ത്യയുടെ രണ്ടാം നിര ടീമിനെ പുകഴ്ത്തി ശ്രീലങ്കൻ പരിശീലകൻ മിക്കി ആർതർ. ഐപിഎൽ ഓൾ സ്റ്റാർസ് ഇലവൻ പോലെയാണ് ഇന്ത്യയുടെ രണ്ടാം നിര ടീമെന്ന് മിക്കി ആർതർ പറഞ്ഞു. മികച്ച ടീമാണ് ഇതെന്നും ടീമിൽ ഒട്ടേറെ മികച്ച താരങ്ങളുണ്ടെന്നും അദ്ദേഹം പറഞ്ഞു. ഈ മാസം 18 മുതലാണ് ശ്രീലങ്കൻ പര്യടനം ആരംഭിക്കുക.

“ഇപ്പോൾ ഞങ്ങൾ പരിവർത്തനത്തിൻ്റെ പാതയിലാണ്. യുവതാരങ്ങളെ പരീക്ഷിച്ച് പറ്റിയ ടീം പരീക്ഷിക്കുകയാണ്. ഈ ഇന്ത്യൻ ടീം മികച്ചതാണെന്ന് ഞങ്ങൾക്കറിയാം. മികച്ച കുറേയേറെ താരങ്ങൾ ടീമിലുണ്ട്. ഇത് ഐപിഎൽ ഓൾ സ്റ്റാർസ് ഇലവൻ പോലെയാണ്. മികച്ച ഒരുപിടി താരങ്ങൾ.”- മിക്കി ആർതർ പറഞ്ഞു.

ജൂലൈ 18 നാണ് പര്യടനം ആരംഭിക്കുക. ഏകദിന മത്സരങ്ങൾ വൈകുന്നേരം 3 മണിക്കും ടി-20 മത്സരങ്ങൾ രാത്രി 8 മണിക്കുമാണ് തീരുമാനിച്ചിരുന്നത്. പുതിയ സമയക്രമം പ്രകാരം ഏകദിന മത്സരങ്ങൾ അര മണിക്കൂർ നേരത്തെ, 2.30ന് ആരംഭിക്കും. ടി-20 മത്സരങ്ങൾ 8 മണിക്ക് പകരം ഏഴ് മണിക്കും ആരംഭിക്കും.

ജൂലൈ 13നാണ് ശ്രീലങ്ക-ഇന്ത്യ പര്യടനം ആരംഭിക്കേണ്ടിയിരുന്നത്. എന്നാൽ, ഇംഗ്ലണ്ട് പര്യടനം കഴിഞ്ഞ് തിരികെ എത്തിയ ശ്രീലങ്കൻ സ്ക്വാഡിൽ കൊവിഡ് പടർന്നതിനെ തുടർന്ന് പര്യടനം മാറ്റിവെക്കുകയായിരുന്നു. 20,23 തീയതികളിൽ ഏകദിന പരമ്പരയിലെ അടുത്ത മത്സരങ്ങളും നടക്കും. ടി-20 പരമ്പര ജൂലൈ 25ന് ആരംഭിക്കും.

Story Highlights: Mickey Arthur Lauds Team India

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top