25
Jul 2021
Sunday

ബി.ജെ.പി നേതാവിന്‍റെ കാര്‍ ആക്രമിച്ചുവെന്ന്​ ആക്ഷേപം; 100 കര്‍ഷകര്‍ക്കെതിരെ രാജ്യദ്രോഹ കേസ്​

ബി.ജെ.പി നേതാവും ഹരിയാന ഡെപ്യൂട്ടി സ്​പീക്കറുമായ രണ്‍ബീര്‍ ഗാങ്​വായുടെ കാര്‍ ആക്രമിച്ചുവെന്ന്​ ആരോപിച്ച്‌​ 100 കര്‍ഷകര്‍ക്കെതിരെ രാജ്യദ്രോഹ കേസ്​. ഹരിയാനയിലെ സിര്‍സ ജില്ലയില്‍ ജൂലൈ 11നാണ്​ സംഭവമുണ്ടായത്​. അന്ന്​ തന്നെ എഫ്​.ഐ.ആര്‍ രജിസ്റ്റര്‍ ചെയ്യുകയായിരുന്നു. രാജ്യദ്രോഹ കുറ്റത്തിന്​ പുറമേ കൊലപാതക ശ്രമവും കര്‍ഷകര്‍ക്കെതിരെ ചുമത്തിയിട്ടുണ്ട്​.

ബി.ജെ.പി-ജനനായക്​ ജനത പാര്‍ട്ടി സഖ്യ സര്‍ക്കാറിനെതിരെ കര്‍ഷകര്‍ പ്ര​തിഷേധത്തിലാണ്​. പുതിയ കാര്‍ഷിക നിയമങ്ങള്‍ക്കെതിരെയാണ്​ പ്രതിഷേധം. കര്‍ഷക സമരത്തിന്‍റെ നേതാക്കളായ ഹരിചരണ്‍ സിങ്​, പ്രഹ്ലാദ്​ സിങ്​ എന്നിവരും കേസില്‍ പ്രതികളാണ്​.

രാജ്യ​ദ്രോഹ കുറ്റം ചുമത്തിയതിനെതിരെ സംയുക്​ത കിസാന്‍ മോര്‍ച്ച രംഗത്തെത്തി. ​കര്‍ഷകര്‍ക്കെതിരായ ആരോപണങ്ങള്‍ കെട്ടിച്ചമച്ചതാണെന്ന്​ കിസാന്‍ മോര്‍ച്ച വ്യക്​തമാക്കി. രാജ്യദ്രോഹകുറ്റം കൊളോണിയല്‍ കാലത്തെ നിയമമാണെന്നും ഇതില്‍ പുനരാലോചന വേണമെന്നും സുപ്രീംകോടതി ഇന്ന്​ വ്യക്​തമാക്കിയിരുന്നു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top