27
Jul 2021
Tuesday

എ. കെ ശശീന്ദ്രൻ ഇടപെട്ടത് പീഡന പരാതിയിലല്ലെന്ന് എൻസിപി കമ്മിഷൻ റിപ്പോർട്ട്

മന്ത്രി എ.കെ ശശീന്ദ്രൻ ഇടപെട്ടത് പീഡന പരാതിയിലല്ലെന്ന് എൻസിപി അന്വേഷണ കമ്മിഷൻ റിപ്പോർട്ട്. പാർട്ടി നേതാക്കളുടെ പ്രശ്നം പരിഹരിക്കാനാണ് എ.കെ ശശീന്ദ്രൻ ശ്രമിച്ചത്. ചില നേതാക്കൾ അദ്ദേഹത്തെ തെറ്റിദ്ധരിപ്പിച്ചുവെന്നും റിപ്പോർട്ട്.

മാർച്ചിൽ നടന്ന സംഭവത്തിൽ ജൂൺ 28 വരെ പരാതി നൽകിയില്ല. പരാതിക്കാരി ബി ജെ പി പ്രവർത്തകയാണ്. രാഷ്ട്രീയ ഉദ്ദേശ്യത്തോടെയുള്ള പരാതിയാണ് നൽകിയതെന്നാണ് എൻസിപി അന്വേഷണ കമ്മിഷന്റെ റിപ്പോർട്ട്. മന്ത്രി എ കെ ശശീന്ദ്രന്റെ ഭാഗത്ത് വീഴ്ചയുണ്ടായിട്ടില്ലെന്നും വിശദീകരണം.

അതേസമയം, കുണ്ടറ പീഡന പരാതിയിൽ പാർട്ടി അന്വേഷണ റിപ്പോർട്ട് കിട്ടിയെന്ന് എൻസിപി സംസ്ഥാന അധ്യക്ഷൻ പി സി ചാക്കോ പറഞ്ഞു. എ കെ ശശീന്ദ്രൻ മന്ത്രി സ്ഥാനത്ത് തുടരണമെന്നാണ് പാർട്ടി ദേശീയ അധ്യക്ഷൻ ശരദ് പവാറിന്റെ നിർദേശമെന്നും പി സി ചാക്കോ അറിയിച്ചു.

Read Also: പീഡനപരാതി ഒതുക്കിത്തീര്‍ക്കാന്‍ മുന്‍പ് ചിലര്‍ വഴി മന്ത്രി എ കെ ശശീന്ദ്രന്‍ ശ്രമിച്ചതായി പരാതിക്കാരി ട്വന്‍റിഫോറിനോട്

ആരോപണം പെരുപ്പിച്ച് കാണിച്ചുവെന്ന് ശരദ് പവാർ അഭിപ്രായപ്പെട്ടെന്ന് പി സി ചാക്കോ പറഞ്ഞു. രാജി വേണമെന്ന പ്രതിപക്ഷ ആവശ്യം മുഖവിലയ്ക്ക് എടുക്കുന്നില്ല. എൻ സി പി നിലപാട് സി പി എം നേതൃത്വത്തെ അറിയിച്ചു. വാർത്തകൾക്ക് അടിസ്ഥാനമില്ല പാർട്ടിയുടെ പ്രതിച്ഛായക്ക് മങ്ങലേൽപ്പിച്ചവർക്കെതിരെ നടപടി ഉണ്ടാകുമെന്നും പി സി ചാക്കോ പറഞ്ഞു.

Read Also: കുണ്ടറ പീഡന പരാതി: എ കെ ശശീന്ദ്രന് ശരദ് പവാറിന്റെ പിന്തുണ

Story Highlights: NCP Report About A k Saseendran

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top