Advertisement

നിര്‍ധന വിദ്യാര്‍ത്ഥികള്‍ക്കായുള്ള മമ്മൂട്ടിയുടെ സ്മാര്‍ട്ട്ഫോണ്‍ വിതരണ പദ്ധതി ‘വിദ്യാമൃതം’ എറണാകുളം ജില്ലയിലും

August 30, 2021
1 minute Read
vidyamrutam program
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

മലയാളത്തിന്റെ പ്രിയനടന്‍ മമ്മൂട്ടി നേതൃത്വം നല്‍കുന്ന കെയര്‍ ആന്‍ഡ് ഷെയര്‍ ഇന്റര്‍നാഷണല്‍ ഫൗണ്ടേഷന്റെ ആഭിമുഖ്യത്തില്‍ നടത്തുന്ന വിദ്യാമൃതം പദ്ധതി ഇനി എറണാകുളം ജില്ലയിലും. പദ്ധതി വഴി ഓണ്‍ലൈന്‍ വിദ്യാഭ്യാസത്തിനു അവശതയനുഭവിക്കുന്ന കുട്ടികള്‍ക്കുള്ള സ്മാര്‍ട്ട് ഫോണിന്റെ വിതരണം ജില്ലയില്‍ ആരംഭിച്ചു.

ടോക്യോ ഒളിമ്പിക്സ് ജേതാവ് പി. ആര്‍. ശ്രീജേഷ് ഉദ്ഘാടനം നിര്‍വഹിച്ച ചടങ്ങില്‍ കെയര്‍ ആന്‍ഡ് ഷെയര്‍ ഇന്റര്‍നാഷണല്‍ ഫൗണ്ടേഷന്‍ മാനേജിങ് ഡയറക്ടര്‍ ഫാദര്‍ തോമസ് കുര്യന്‍ മരോട്ടിപ്പുഴ അധ്യക്ഷത വഹിച്ചു. വിദ്യാമൃതം പദ്ധതി വഴി ആരംഭിച്ചിരിക്കുന്ന സ്മാര്‍ട്ട്ഫോണ്‍ ചലഞ്ച് പഠനത്തിന് അവശത അനുഭവിക്കുന്ന എല്ലാ കുട്ടികള്‍ക്കും ഒട്ടേറെ കരുത്തു പകര്‍ന്നു നല്‍കുന്നുവെന്ന് അദ്ദേഹം പറഞ്ഞു.

ജീവകാരുണ്യ രംഗത്ത് പ്രവര്‍ത്തിക്കുന്ന കെയര്‍ ആന്‍ഡ് ഷെയര്‍ ഇന്റര്‍നാഷണല്‍ ഫൗണ്ടേഷന്‍ സമൂഹത്തിന്റെ ഉന്നമനത്തിനായി നിരവധി പ്രവര്‍ത്തനങ്ങള്‍ നടത്തുന്നുണ്ടെന്നും സമൂഹത്തിനാകെ മാതൃകയാണെന്നും പി ആര്‍ ശ്രീജേഷ് പറഞ്ഞു. വിദ്യാമൃതം പദ്ധതി വഴി സ്മാര്‍ട്ട് ഫോണ്‍ വിതരണം ചെയ്തു കൊണ്ടുള്ള പരിപാടിയില്‍ സംസാരിക്കുകയായിരുന്നു ശ്രീജേഷ്.

ചടങ്ങില്‍ ചമ്പന്നൂര്‍ സെന്റ് ആന്റണീസ് എല്‍.പി. സ്‌കൂളിലെ അധ്യാപകരായ ശോഭ ജോസഫ്, ബെറ്റി തോമസ്, അഡ്വ സജി ജോസഫ്. എന്നിവര്‍ ശ്രീജേഷില്‍ നിന്ന് മൊബൈല്‍ ഫോണ്‍ ഏറ്റുവാങ്ങി. രാജഗിരി ആശുപത്രി റിലേഷന്‍ വിഭാഗം ജി.എം. ജോസ് പോള്‍, മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണല്‍ സംസ്ഥാന ജനറല്‍ സെക്രട്ടറി ഷാനവാസ് തുടങ്ങിയവരും പങ്കെടുത്തു.

Story Highlight: vidyamrutam program

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement