26
Oct 2021
Tuesday
Covid Updates

    ഇതര സംസ്ഥാന കോളജ് അഡ്മിഷന്റെ മറവിൽ അതിക്രമം; റിക്രൂട്ടിംഗ് ഏജന്റ് ലൈംഗിക ചൂഷണത്തിന് ശ്രമിച്ചെന്ന് വിദ്യാർത്ഥിനി

    nursing recruitment fraud

    ഇതര സംസ്ഥാന കോളജ് അഡ്മിഷന്റെ മറവിൽ അതിക്രമമെന്ന് പരാതി. റിക്രൂട്ടിംഗ് ഏജന്റ് ലൈംഗിക ചൂഷണത്തിന് ശ്രമിച്ചുവെന്ന് വെളിപ്പെടുത്തി വിദ്യാർത്ഥിനി രംഗത്തെത്തി. കോളജ് അഡ്മിഷൻ തരപ്പെടുത്തി നൽകിയ ശേഷം ഏജന്റ് പണം തട്ടിയെന്ന് വിദ്യാർത്ഥിനി ട്വന്റിഫോറിനോട് പറഞ്ഞു.

    ഇതര സംസ്ഥാന കോളജ് അഡ്മിഷന്റെ മറവിൽ നടക്കുന്ന അതിക്രമങ്ങളെക്കുറിച്ച് ബംഗളൂരുവിലെ പ്രമുഖ കോളജിൽ നഴ്‌സിംഗിന് അഡ്മിഷൻ എടുത്ത വിദ്യാർത്ഥിനിയാണ് വെളിപ്പെടുത്തൽ നടത്തിയത്. അഡ്മിഷനും ലോണും താമസവും തരപ്പെടുത്തി നൽകുന്നത് ഏജന്റുമാരാണ്. പ്രവേശനം നേടിയതിന് പിന്നാലെ ബംഗളൂരുവിലെത്തിയ വിദ്യാർത്ഥിനിയെ ലൈംഗിക ചൂഷണത്തിനിരയാക്കാൻ ഏജന്റ് ശ്രമിച്ചു. എതിർത്തപ്പോൾ ക്രൂരമായ ദേഹോപ്രദവം നേരിടേണ്ടിവന്നുവെന്നും പെൺകുട്ടി പറഞ്ഞു.

    അഡ്മിഷൻ ഫീസ് ഇനത്തിൽ കൈക്കലാക്കിയ തുകയിൽ നിന്ന് ഒന്നേകാൽ ലക്ഷം തട്ടി. നിരവധി വിദ്യാർത്ഥിനികളെ സമാന രീതിയിൽ ഇരകളാക്കുന്നുവെന്നും പെൺകുട്ടി വെളിപ്പെടുത്തി. യുവതിയുടെ പരാതിയിൽ കൊല്ലം ആയിരംതെങ്ങ് സ്വദേശി അനന്തു ലാൽ അലക്‌സാണ്ടറിനെതിരെ പൊലീസ് കേസെടുത്തു.

    കേസിൽ പൊലീസ് അന്വേഷണം ഇഴയുകയാണെന്ന് വിദ്യാർത്ഥി ആരോപിക്കുന്നു. അതേസമയം പരാതിയിൽ വസ്തുതാന്വേഷണ പരിശോധന പുരോഗമിക്കുകയാണെന്നാണ് പൊലീസ് വിശദീകരണം.

    Story Highlights: nursing recruitment fraud

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top