02
Dec 2021
Thursday
Covid Updates

    സംസ്ഥാനത്ത് മഴക്കെടുതി; ഇതുവരെ മരിച്ചവരുടെ എണ്ണം 19 ആയി

    സംസ്ഥാനത്തെ മഴക്കെടുതിയിൽ ഇതുവരെ മരിച്ചവരുടെ എണ്ണം 19 ആയി. കോട്ടയത്ത് 12 പേരും ഇടുക്കിയിൽ 6 പേരും കോഴിക്കോട് വടകരയിൽ ഒരു കുട്ടിയും മരിച്ചു. ഇടുക്കിയിലെ കൊക്കയാറിലും കോട്ടയത്തെ കൂട്ടിക്കലിലുമാണ് കൂടുതൽ പേർക്ക് ജീവൻ നഷ്ടമായത്.

    കൊക്കയാറിൽ ഏഴുപേരിൽ 4 പേരുടെ മൃതദേഹം കണ്ടെത്തി. മൂന്ന് പേർ കുട്ടികളാണ്. 3 പേർക്കായി തെരച്ചിൽ തുടരുന്നു. ഷാജി ചിറയിൽ(56), അഫ്‌സാന ഫൈസൽ(8), അഫിയാൻ ഫൈസൽ(4), അംന സിയാദ് (7) എന്നിവരാണ് മരിച്ചത്. ഒഴുക്കിൽപ്പെട്ട ഷാജിയുടെ മൃതദേഹം കണ്ടെത്തിയത് മുണ്ടക്കയത്തുമാണ്. ഫൗസിയ,അമീൻ സിയാദ്, സച്ചു ഷാഹുൽ എന്നിവർക്കായുള്ള തെരച്ചിൽ തുടരുന്നു.

    Read Also :കൊക്കയാറില്‍ മൂന്ന് മൃതദേഹം കൂടി കണ്ടെത്തി; ഇനി കണ്ടെത്താനുള്ളത് നാലുപേരെ

    അതേസമയം, കോഴിക്കോട് വടകരിയിൽ വെള്ളക്കെട്ടിൽ വീണ് രണ്ടുവയസുകാരൻ മരിച്ചു. കുന്നുമ്മക്കര സ്വദേശി പട്ടാണി മീത്തൽ ഷംജാസിന്റെ മകൻ മുഹമ്മദ് റൈഹാൻ ആണ് മരിച്ചത്.

    Story Highlights : heavy rain-in-kerala-loss-19-death-

    ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top