04
Dec 2021
Saturday
Covid Updates

    ഇന്ത്യ-ഇംഗ്ലണ്ട് ടെസ്റ്റ് പരമ്പര; അഞ്ചാം ടെസ്റ്റ് ജൂലൈയിൽ

    കൊവിഡ് കാരണം നടക്കാതെ പോയ ഇന്ത്യ-ഇംഗ്ലണ്ട് ടെസ്റ്റ് പരമ്പരയിലെ അഞ്ചാം ടെസ്റ്റ് അടുത്തവർഷം ജൂലൈയിൽ നടക്കും. മത്സരത്തിന് ഇന്ത്യ-ഇംഗ്ലണ്ട് ക്രിക്കറ്റ് ബോർഡുകൾ തമ്മിൽ ധാരണയായി. അടുത്ത വർഷം ജൂലൈ ഒന്നുമുതലായിരിക്കും ടെസ്റ്റ് നടക്കുകയെന്ന് ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡ് വാർത്താക്കുറിപ്പിൽ വ്യക്തമാക്കി.

    അടുത്തവർഷം ജൂലൈയിലാണ് ഏകദിന-ടി20 പരമ്പരകളിൽ കളിക്കാനായി ഇന്ത്യൻ ടീം ഇംഗ്ലണ്ടിലെത്തുന്നത്. അഞ്ചാം ടെസ്റ്റ് പൂർത്തിയായ ശേഷമായിരിക്കും മൂന്ന് ഏകദിനങ്ങളും മൂന്ന് ടി20യുമുള്ള പരമ്പര തുടങ്ങുകയെന്നും ഇംഗ്ലണ്ട് ക്രിക്കറ്റ് ബോർഡ് വ്യക്തമാക്കി.

    അനിശ്ചിതത്വങ്ങൾക്കൊടുവിൽ ഇന്ത്യ-ഇംഗ്ലണ്ട് പരമ്പരയിൽ ആവേശകരമായ പര്യവസാനത്തിനാണ് വഴിയൊരുങ്ങിയിരിക്കുന്നതെന്ന് ബിസിസിഐ സെക്രട്ടറി ജയ് ഷാ പ്രതികരിച്ചു. അടുത്തവർഷം ഏകദിന, ടി20 പരമ്പരകൾക്കായി ഇന്ത്യൻ ടീം ഇംഗ്ലണ്ടിലെത്തുന്നുണ്ട്. പൂർത്തിയാകാതെ പോയ പരമ്പരയുടെ ഭാഗമായിരിക്കും ടെസ്റ്റെന്നും ഇംഗ്ലണ്ട് ക്രിക്കറ്റ് ബോർഡ് വ്യക്തമാക്കി.

    Read Also : ഒരു സ്വപ്നവും അസാധ്യമല്ല; എല്ലാ വെല്ലുവിളികളെയും അതിജീവിച്ച് ഗ്രാമത്തിലെ ആദ്യത്തെ ഡോക്ടറാകാൻ ദുധുറാം…

    അഞ്ച് മത്സര പരമ്പരയിലെ നാലു മത്സരങ്ങൾ കഴിഞ്ഞപ്പോൾ ഇന്ത്യ 2-1ന് പരമ്പരയിൽ മുന്നിട്ടു നിൽക്കുകയായിരുന്നു.അഞ്ചാം ടെസ്റ്റിന് വേദിയാവേണ്ട എഡ്ജ്ബാസ്റ്റണിൽ തന്നെയാണ് അടുത്തവർഷം അഞ്ചാം ടെസ്റ്റും നടക്കുക. ലോക ടെസ്റ്റ് ചാമ്പ്യൻഷിപ്പിൻറെ ഭാഗം കൂടിയാണ് ഈ ടെസ്റ്റ്.

    Story Highlights : india-england-5th-test-

    ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top