മലയാള സിനിമകളുടെ തീയറ്റര് റിലീസ് ഇന്നുമുതല്; ആദ്യം പ്രദര്ശനത്തിനെത്തുക ജോജു ജോര്ജ് ചിത്രം ‘സ്റ്റാര്’
സംസ്ഥാനത്ത് മലയാള സിനിമകളുടെ തീയറ്റര് റിലീസ് ഇന്നുമുതല് ആരംഭിക്കും. ജോജു ജോര്ജ് ചിത്രം ‘സ്റ്റാര്’ ആണ് ഇടവേളയ്ക്ക് ശേഷമുള്ള ആദ്യ തീയറ്റര് ചിത്രം. ദുല്ഖര് സല്മാന് ചിത്രം കുറുപ്പ് നവംബര് 12ന് തീയറ്ററിലൂടെ പ്രേക്ഷകരിലേക്കെത്തും.
ജോയ് മാത്യു, മാമുക്കോയ തുടങ്ങിയവര് പ്രധാന കഥാപാത്രങ്ങളെ അവതരിപ്പിക്കുന്ന പുലരി ബഷീര് സംവിധാനം ചെയ്ത ക്യാബിന് എന്ന ചിത്രവും ഇന്ന് തീയറ്ററിലെത്തും. റിലീസിംഗ് സംബന്ധിച്ച ആശങ്കകള്ക്ക് ഫിലിം ചേംബര് യോഗത്തില് പരിഹാരമായതോടെയാണ് മലയാള സിനിമകള് തീയറ്ററിലെത്തുന്നത്.
Read Also : ആറുമാസത്തെ ഇടവേളയ്ക്ക് ശേഷം സംസ്ഥാനത്ത് സിനിമാ പ്രദർശനം ആരംഭിക്കുന്നു
അജഗജാന്തരം, കുഞ്ഞെല്ദോ, എല്ലാം ശെരിയാകും, ഭീമന്റെ വഴി തുടങ്ങിയ ചിത്രങ്ങളും വരുംദിവസങ്ങളില് തീയറ്ററിലെത്തും. മോഹന്ലാല് ബിഗ് ബജറ്റ് ചിത്രം ‘മരയ്ക്കാര് അറബിക്കടലിന്റെ സിംഹം’ ഒടിടിയില് നിന്ന് തീയറ്ററുകളിലെത്തിക്കാന് തീയറ്റര് ഉടമകളും നിര്മാതാക്കളും തമ്മില് ചര്ച്ച പുരോഗമിക്കുകയാണ്.
Read Also : മലയാള സിനിമകളുടെ പ്രദര്ശനം വെള്ളിയാഴ്ച മുതല്; ആദ്യ റിലീസിംഗ് ‘സ്റ്റാര്’
Story Highlights : malayalam movie theatre release
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here