ജോജു ജോർജിന്റെ വാഹനം തകർത്ത കേസ് ; പി ജി ജോസഫിന്റെ ജാമ്യാപേക്ഷ തള്ളി
കോണ്ഗ്രസ് സമരത്തിനിടെ നടന് ജോജു ജോര്ജിന്റെ വാഹനം തകർത്ത കേസിൽ പ്രതി പി ജി ജോസഫിന്റെ ജാമ്യാപേക്ഷ തള്ളി. എറണാകുളം ജുഡീഷ്യൻ ഫസ്റ്റ് ക്ലാസ് മജിസ്ട്രേറ്റ് കോടതിയാണ് ജാമ്യാപേക്ഷ തള്ളിയത്.
ഇതിനിടെ കോണ്ഗ്രസ് സമരത്തിനിടെ നടന് ജോജു ജോര്ജിന്റെ കാര് തകര്ത്ത കേസില് ഒത്തുതീര്പ്പ് സാധ്യത തള്ളിക്കളയാനാകില്ലെന്ന് ജോജുവിന്റെ അഭിഭാഷകന്. ‘ജോജുവിനെതിരായ കോണ്ഗ്രസ് നേതാക്കളുടെ മോശം പ്രസ്താവനകള് പിന്വലിക്കണം. കെപിസിസി പ്രസിഡന്റ് കെ സുധാകരന്, പ്രതിപക്ഷ നേതാവ് വി. ഡി സതീശന് എന്നിവരുമായി ഒത്തുതീര്പ്പ് ചര്ച്ച നടന്നു. ഒരു രാഷ്ട്രീയ പാര്ട്ടിയോടും ജോജുവിന് വിരോധമില്ലെന്നും ജോജുവിന്റെ അഭിഭാഷകന് വ്യക്തമാക്കി.
കേസില് കക്ഷി ചേരുന്നതിനായി ജോജു ജോര്ജ് എറണാകുളം മജിസ്ട്രേറ്റ് കോടതിയില് അപേക്ഷ നല്കിയിട്ടുണ്ട്. വ്യക്തി അധിക്ഷേപം തുടരുന്നത് കോടതി ഇടപെട്ട് തടയണമെന്ന് ജോജുവിന്റെ അപേക്ഷയില് പറയുന്നു. മുന് മേയര് ടോണി ചമ്മിണി ഉള്പ്പെടെ എട്ട് പേര്ക്കെതിരെ ജാമ്യമില്ലാ വകുപ്പ് പ്രകാരമാണ് കേസ് രജിസ്റ്റര് ചെയ്തിരിക്കുന്നത്.
Story Highlights : joju georges vehicle wreck case
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here