എംപി പ്രാദേശിക ഫണ്ട് പുനഃസ്ഥാപിച്ചു; ഈ വർഷം രണ്ട് കോടി രൂപ അനുവദിക്കും

എം.പിമാരുടെ പ്രാദേശിക വികസന ഫണ്ട് പുനഃസ്ഥാപിച്ചു. കേന്ദ്രമന്ത്രി സഭായോഗത്തിന്‍റേതാണ് തീരുമാനം. ഈ സാമ്പത്തികവര്‍ഷം രണ്ട് കോടി രൂപ അനുവദിക്കും. 2025–26 സാമ്പത്തികവര്‍ഷം വരെ തുടരും. അടുത്ത സാമ്പത്തികവര്‍ഷം മുതല്‍ അഞ്ചുകോടി രൂപ വീതമാകും. കേന്ദ്ര മന്ത്രിസഭാ യോഗത്തിലാണ് തീരുമാനം. ഭരണ കക്ഷി എംപിമാരുടെ അടക്കം ഭാ​ഗത്ത് നിന്ന് ആവശ്യം ഉയർന്നതിന്റെ പശ്ചാത്തലത്തിലാണ് വികസന ഫണ്ട് പുനഃസ്ഥാപിക്കാൻ കേന്ദ്രം തീരുമാനിച്ചത്.

Read Also : പ്രായം ചെറുതാണെങ്കിലും ആളൊരു വൈൽഡ് ലൈഫ് ഫോട്ടോഗ്രാഫറാണ്; പരിചയപ്പെടാം പത്ത് വയസുകാരൻ താരത്തെ…

മണ്ഡലത്തിലെ വികസന പ്രവർത്തനങ്ങൾക്ക് ഉപയോഗിക്കാൻ പ്രതിവർഷം 5 കോടി രൂപ വീതം എംപി ഫണ്ടായി നൽകി വന്നിരുന്നത് കൊവിഡ് പ്രതിന്ധിയെത്തുടർന്നാണ് കേന്ദ്ര സർക്കാർ നിറുത്തിയത്. 2019 ൽ പുതിയ ലോക്സഭ നിലവിൽ വന്നിട്ട് ആദ്യ വർഷമായ 2019–20ൽ ഒഴികെ ഇതുവരെ എംപി ഫണ്ട് ഇനത്തിൽ പണം നൽകിയിട്ടില്ല.

Story Highlights : union-cabinet-approves-restoration-and-continuation-of-mp