നടി പൂനം പാണ്ഡെ അത്യാസന്ന നിലയിലെന്ന് വ്യാജ പ്രചാരണം [24 Fact Check]

നടി പൂനം പാണ്ഡെ അത്യാസന്ന നിലയിലെന്ന് വ്യാജ പ്രചാരണം. പൂനം പാണ്ഡെയെ ഗാർഹിക പീഡനത്തെ തുടർന്ന് ആശുപത്രിയിൽ പ്രവേശിപ്പിപ്പിച്ചു എന്ന തരത്തിലാണ് സമൂഹ മാധ്യമങ്ങളിൽ ചിത്രങ്ങൾ പ്രചരിക്കുന്നത്. ( poonam pandey fake news )

തലയ്ക്കും മുഖത്തും പരുക്കുകൾ ഏറ്റെന്നും തുടർന്ന് മുംബൈയിലെ ആശുപത്രിയിൽ ചികിത്സയിൽ ആണെന്നും ചിത്രത്തോടൊപ്പം നൽകിയിരിക്കുന്ന ക്യാപ്ഷനിൽ പറയുന്നു. പൂനം നൽകിയ പരാതിയുടെ അടിസ്ഥാനത്തിൽ ഇവരുടെ ഭർത്താവ് സാം ബോംബെയെ പൊലീസ് അറസ്റ്റ് ചെയ്തു എന്നും ചിത്രത്തോടൊപ്പം നൽകുന്നു.

നിരവധി പേരാണ് ഈ ചിത്രം ഷെയർ ചെയ്തിരിക്കുന്നത്. എന്നാൽ ഇത് പൂനം പാണ്ഡെ അല്ല. 2018 സെപ്തംബർ 24ന് യൂട്യൂബിൽ പോസ്റ്റ് ചെയ്തിരിക്കുന്ന ഒരു വീഡിയോയിൽ നിന്നും സ്‌ക്രീൻഷോർട് എടുത്ത ചിത്രങ്ങളാണ് തെറ്റായ വാർത്തയായി പ്രചരിക്കുന്നത്.

Read Also : എല്ലാ ഇന്ത്യക്കാർക്കും കേന്ദ്രം സൗജന്യമായി മൊബൈൽ റീചാർജ് ചെയ്ത് നൽകുന്നുവെന്ന് വ്യാജ പ്രചാരണം [24 Fact Check]

ചിത്രത്തിൽ കാണുന്നത് ആർഷി പാണ്ഡെയെന്ന യുവതിയാണ്. 2018 ഓഗസ്റ്റിൽ ഇവരുടെ വീട്ടിൽ നടന്ന മോഷണ ശ്രമത്തിനിടെ ആർഷിയുടെ അമ്മ കൊല്ലപ്പെടുകയും ആർഷിയെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിക്കുകയും ചെയ്തിരുന്നു.

Stroy Highlights: poonam pandey fake news