27
Nov 2021
Saturday
Covid Updates

    ആയൂർ-കൊട്ടാരക്കര എംസി റോഡിൽ ആന വിരണ്ടു; ഗതാഗതം തടസപ്പെട്ടു

    ആയൂർ-കൊട്ടാരക്കര എംസി റോഡിൽ ആന വിരണ്ടു. നെടുമൺകാവ് മണികണ്ഠൻ എന്ന ആനയാണ് വിരണ്ടത്. എംസി റോഡിൽ പനവേലിയിൽ ഗതാഗതം തടസപ്പെട്ടു. മണിക്കൂറുകൾ നീണ്ട ആശങ്കകൾക്കൊടുവിൽ ആനയെ തളച്ചു.

    ഉച്ചയോടെയാണ് ആന വിരണ്ടത്. വെട്ടികവലയിൽ പൊങ്കാലയ്ക്കായി എത്തിച്ച ആന വിരണ്ടോടുകയായിരുന്നു. എംസി റോഡിൽ എത്തിയ ആന മണിക്കൂറുകൾ പരിഭ്രാന്തി പരത്തി. നാട്ടുകാരുടെ സംയോജിത ഇടപെടൽ വലിയൊരു അപകടം ഒഴിവാക്കി. നാട്ടുകാർ ഇതുവഴിയുള്ള വാഹനങ്ങൾ തടയുകയും പൊലീസിൽ വിവരം അറിയിക്കുകയും ചെയ്തു.

    സ്ഥിതിഗതി നിയന്ത്രിക്കാൻ പൊലീസിന്റെ വലിയൊരു സംഘം എത്തിയിരുന്നു. ആന അൽപ്പം ശാന്തമായതോടെ എംസി റോഡിൽ നിന്നും മാറ്റുകയും ഇതുവഴിയുള്ള ഗതാഗതം പുനഃരാരംഭിക്കുകയും ചെയ്തു. മണിക്കൂറുകൾ നീണ്ട ഗതാഗത തടസമാണ് ഇവിടെ അനുഭവപ്പെട്ടത്.

    Story Highlights : elephant-caused-traffic-block

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top