28
Jan 2022
Friday

ആദ്യ ഇന്നിങ്‌സില്‍ പത്ത് വിക്കറ്റ്; അജാസ് പട്ടേലിന് ഇന്ത്യന്‍ ടീമിന്റെ സ്‌നേഹോപഹാരം

ന്യൂസീലന്‍ഡ് സ്പിന്നര്‍ അജാസ് പട്ടേലിന് ഇന്ത്യന്‍ ടീമിന്റെ സ്‌നേഹോപഹാരം. ഇന്ത്യയ്‌ക്കെതിരായ രണ്ടാം ടെസ്റ്റിന്റെ ആദ്യ ഇന്നിങ്‌സില്‍ പത്ത് വിക്കറ്റും സ്വന്തമാക്കിയ അജാസ് പട്ടേലിന് ഇന്ത്യന്‍ ടീം അംഗങ്ങള്‍ എല്ലാവരും പേരെഴുതി ഒപ്പിട്ട ഇന്ത്യന്‍ ജഴ്‌സിയാണ് സമ്മാനമായി നല്‍കിയത്. ഇന്ത്യന്‍ ടീമിനെ പ്രതിനിധീകരിച്ച് സ്പിന്നര്‍ രവിചന്ദ്ര അശ്വിനാണ് അജാസിന് ജഴ്‌സി സമ്മാനിച്ചത്.

ലോക ക്രിക്കറ്റില്‍ ഒരിന്നിങ്‌സില്‍ 10 വിക്കറ്റ് വീഴ്ത്തുന്ന മൂന്നാമത്തെ മാത്രം ബൗളറാണ് അജാസ്. 119 റണ്‍സ് വഴങ്ങി 10 വിക്കറ്റ് വീഴ്ത്തിയ അജാസ് രണ്ടാം ഇന്നിങ്‌സില്‍ നാല് വിക്കറ്റും സ്വന്തമാക്കി.

അശ്വിന്റെ 99-ാം നമ്പര്‍ ജഴ്‌സിയിലാണ് ഇന്ത്യന്‍ താരങ്ങള്‍ ഒപ്പിട്ടത്. ഇംഗ്ലണ്ടിന്റെ ജിം ലിനേക്കര്‍, ഇന്ത്യയുടെ അനില്‍ കുംബ്ലെ എന്നിവരാണ് ഈ നേട്ടം മുന്‍പ് കരസ്ഥമാക്കിയവര്‍. മത്സരത്തില്‍ ന്യൂസീലന്‍ഡ് തോറ്റെങ്കിലും അജാസിന്റെ പ്രകടനം ലോകശ്രദ്ധയാകര്‍ഷിച്ചു.

Story Highlights : ashwin-gifts-ajaz-patel-his-test-jersey-autographed-by-teammates

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top