വ്യോമസേന വാറണ്ട് ഓഫീസര് എ.പ്രദീപിന്റെ ഭൗതിക ശരീരം സുലൂരിലെത്തിച്ചു; സംസ്കാരം ഔദ്യോഗിക ബഹുമതികളോടെ വൈകിട്ട്
കുനൂരില് സൈനിക ഹെലികോപ്റ്റര് അപകടത്തില് ജീവന് നഷ്ടമായ മലയാളി വ്യോമസേന വാറണ്ട് ഓഫീസര് എ.പ്രദീപിന്റെ ഭൗതിക ശരീരം സുലൂരിലെത്തിച്ചു. നടപടി ക്രമങ്ങള്ക്ക് ശേഷം മൃതദേഹം സുലൂരില് നിന്ന് റോഡ് മാര്ഗം തൃശൂരിലെത്തിക്കുകയാണ്.
വൈകുന്നേരത്തോടെയാകും ഒദ്യോഗിക ബഹുമതികളോടെ സംസ്കാര ചടങ്ങുകള്. സംസ്ഥാന സര്ക്കാരിനെ പ്രതിനിധീകരിച്ച് മന്ത്രിമാരായ കെ രാജനും കെ കൃഷ്ണന്കുട്ടിയും മൃതദേഹത്തെ അനുഗമിക്കും. പ്രദീപ് പഠിച്ച സ്കൂളിലും പൊന്നൂക്കരയിലെ വീട്ടിലും ഭൗതിക ശരീരം പൊതുദര്ശനത്തിന് വയ്ക്കും.
ദുരന്തത്തിന്റെ ഞെട്ടലിലാണ് പ്രദീപിന്റെ നാടായ പൊന്നൂക്കര. രണ്ടാഴ്ച മുന്പായിരുന്നു അച്ഛന് സുഖമില്ലാത്തതിനാല് ഫ്ളൈറ്റ് ഗണ്ണറായ എ. പ്രദീപ് അവധിക്ക് ജന്മനാട്ടില് എത്തിയത്. അപകട വിവരം അറിഞ്ഞ ഉടനെ സഹോദരനും ബന്ധുവും ഊട്ടിയിലേക്ക് പുറപ്പെട്ടിരുന്നു. ജനറല് ബിപിന് റാവത്ത് സഞ്ചരിച്ചിരുന്ന ഹെലികോപ്റേറ്ററിന്റെ ഫ്ലൈറ്റ് ഗണ്ണറായിരുന്നു എ. പ്രദീപ്.
Read Also : അസാധാരണ ശബ്ദത്തോടെയാണ് ഹെലികോപ്റ്റർ പറന്നത്; കൂനൂർ അപകടത്തിന് മുൻപുള്ള ദൃശ്യങ്ങൾ പകർത്തിയ രാമനാഥപുരം സ്വദേശികൾ
തമിഴ്നാട്ടിലെ ഊട്ടി കന്നേരിക്ക് സമീപം ബുധനാഴ്ചയുണ്ടായ ഹെലികോപ്റ്റര് അപകടത്തിലാണ് സംയുക്ത സൈനിക മേധാവി ജനറല് ബിപിന് റാവത്ത്, ഭാര്യ മധുലിക, മലയാളി ജവാന് എ പ്രദീപ് എന്നിരുള്പ്പെടെ 14 പേര് അപകടത്തില്പ്പെട്ടത്. ഹെലികോപ്റ്റര് പൂര്ണമായും കത്തി നശിച്ചിച്ചിരുന്നു. അപകടത്തില് നിന്ന് രക്ഷപെട്ട ഗ്രൂപ്പ് ക്യാപ്റ്റന് വരുണ് സിംഗ് അതീവ ഗുരുതരാവസ്ഥയില് വെന്റിലേറ്ററില് കഴിയുകയാണ്.
Story Highlights : army helicopter crash
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here