25
Jan 2022
Tuesday

റിയൽ എസ്റ്റേറ്റിലും വിദേശത്തും പോപ്പുലർ ഫ്രണ്ട് നേതാക്കൾക്ക് നിക്ഷേപം; രേഖകൾ കണ്ടെത്തിയെന്ന് ഇ.ഡി

പോപ്പുലർ ഫ്രണ്ട് നേതാക്കളുടെ കള്ളപ്പണം സംബന്ധിച്ച രേഖകൾ കണ്ടെത്തിയെന്ന് ഇ ഡി. നേതാക്കൾ കള്ളപ്പണം നിക്ഷേപിച്ചതിന്റെ നിർണ്ണായക തെളിവുകൾ പിടിച്ചെടുത്തു. റിയൽ എസ്റ്റേറ്റിലും വിദേശത്തും പോപ്പുലർ ഫ്രണ്ട് നേതാക്കൾക്ക് നിക്ഷേപമെന്ന് ഇ ഡി വ്യക്തമാക്കി. വിദേശത്തെ സ്വത്തുക്കൾ സംബന്ധിച്ച രേഖകൾ ഉൾപ്പെടെ തെളിവുകൾ ഇ ഡി കണ്ടെത്തി. പോപ്പുലർ ഫ്രണ്ട്,റിഹാബ് ഇന്ത്യാ ഫൗണ്ടേഷൻ എന്നിവയുമായി ബന്ധപ്പെട്ടാണ് നിലവിലെ റെയ്ഡ്.

സംസ്ഥാന വ്യാപകമായി പോപ്പുലർ ഫ്രണ്ട് നേതാക്കളുടെ വീടുകളിൽ എൻഫോഴ്സ്മെന്റ് ഡയറക്ട്രേറ്റ് റെയ്ഡ് നടത്തിയിരുന്നു. മലപ്പുറത്തെയും മൂവാറ്റുപുഴയിലെയും പോപ്പുലർ ഫ്രണ്ട് നേതാക്കളുടെ വീടുകളിലാണ് പരിശോധന നടന്നത്.

Read Also : പോപ്പുലർ ഫ്രണ്ട് – എസ്ഡിപിഐ നേതാക്കളുടെ വീടുകളിൽ ഇഡി റെയ്ഡ്, ഇ ഡി ഉദ്യോഗസ്ഥരെ പ്രവർത്തകർ തടഞ്ഞുവച്ചു

പരിശോധനയ്‌ക്കെത്തിയ മൂവാറ്റുപുഴയിൽ ഇ ഡി ഉദ്യോഗസ്ഥരെ അഞ്ഞൂറോളം എസ്ഡിപിഐ പ്രവർത്തകർ ചേർന്ന് തടഞ്ഞു വച്ചിരുന്നു. പോപ്പുലർ ഫ്രണ്ട് സംസ്ഥാനകമ്മിറ്റി അംഗം തമർ അഷറഫിന്റെ മൂവാറ്റുപുഴയിലെ വീട്ടിലാണ് ഒരു സംഘം ഇഡി ഉദ്യോഗസ്ഥർ, പരിശോധന നടത്തിയത്.

Story Highlights : popular front-enforcement directorate

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top