22
Jan 2022
Saturday

കോവളത്തേത് ഒറ്റപ്പെട്ട സംഭവം; എല്ലാത്തിലും പൊലീസ് കുറ്റക്കാരല്ല, പരക്കെ ആക്ഷേപം പറയാനാകില്ല: വി ശിവൻ കുട്ടി

കോവളത്ത് മദ്യം ഒഴുക്കി കളയിച്ച സംഭവത്തിൽ പ്രതികരണവുമായി മന്ത്രി വി ശിവൻകുട്ടി.ഒറ്റപ്പെട്ട സംഭവമാണ് നടന്നത്. എല്ലാത്തിലും പൊലീസ് കുറ്റക്കാരല്ല.പരക്കെ ആക്ഷേപം പറയാനാകില്ല. പൊലീസ് ഇടപെടൽ കാരണം പുതുവത്സരം ശാന്തമായിരുന്നുവെന്നും അദ്ദേഹം പ്രതികരിച്ചു.

ഇതിനിടെ മദ്യം ഒഴുക്കി കളയിച്ചതിൽ പരിശോധിച്ച് നടപടിയെടുക്കുമെന്ന് തിരുവനന്തപുരം സിറ്റി പൊലീസ് കമ്മിഷണർ അറിയിച്ചു. നഗരത്തിലെ സി സി ടി വി കാമറകൾ പഴക്കമുള്ളതാണ്. ആധുനികവത്കരണത്തിന് നടപടി സ്വീകരിക്കുമെന്നും അദ്ദേഹം വ്യക്തമാക്കി.

Read Also : കോവളം സംഭവം; ഗ്രേഡ് എസ്.ഐക്ക് സസ്‌പെൻഷൻ; നേരത്തെയും മോശപ്പെട്ട അനുഭവങ്ങൾ പൊലീസിൽ നിന്നും ഉണ്ടായിട്ടുണ്ടെന്ന് സ്വീഡിഷ് വിനോദസഞ്ചാരി

അതേസമയം കോവളത്ത് വിദേശിയുടെ മദ്യം ഒഴിച്ചുകളഞ്ഞ സംഭവം ദൗർഭാഗ്യകരമെന്ന് ടൂറിസം മന്ത്രി പി എ മുഹമ്മദ് റിയാസ് പറഞ്ഞു. ടൂറിസം മേഖലയെ തകർക്കുന്ന നടപടികൾ അഗീകരിക്കില്ലെന്ന് അദ്ദേഹം പ്രതികരിച്ചു. നടപടി സർക്കാർ നിലപാടിന് വിരുദ്ധമായാണോ നടന്നതെന്ന് പരിശോധിക്കും. അന്വേഷണം നടത്തി ആവശ്യമായ നടപടികൾ സ്വീകരിക്കുമെന്നും അദ്ദേഹം വ്യക്തമാക്കി.

Story Highlights : V Sivankutty on kovalam incident, police

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top