ജാർഖണ്ഡിൽ മാവോയിസ്റ്റാക്രമണം; 27 വാഹനങ്ങൾ കത്തിച്ചു

ജാർഖണ്ഡിൽ മാവോയിസ്റ്റാക്രമണം. ഗുംല ജില്ലയിൽ മാവോയിസ്റ്റുകളുടെ സംഘം ഇരുപത്തിയേഴ് വാഹനങ്ങൾ കത്തിച്ചു. സംഭവത്തിൽ അന്വേഷണം തുടങ്ങി. സംഘത്തിനായി തെരച്ചിൽ ആരംഭിച്ചതായും പൊലീസ് അറിയിച്ചു. ബോക്‌സൈറ്റ് ഖനന സ്ഥലത്തിന് സമീപമാണ് വാഹനങ്ങൾക്ക് തീയിട്ടത്.

വെള്ളിയാഴ്ച രാത്രി 8 മണിയോടെ ഒരു സംഘം വിമതർ ഖനനസ്ഥലത്തെത്തി വാഹനങ്ങൾ കത്തിച്ചു. ഒമ്പത് വാഹനങ്ങൾ പൂർണമായും കത്തി നശിച്ചതായി പൊലീസ് സൂപ്രണ്ട് അറിയിച്ചു. ചില കാറുകൾ കത്തിനശിച്ചതായും മറ്റുള്ളവ ഭാഗികമായി തകർന്നതായും അദ്ദേഹം കൂട്ടിച്ചേർത്തു. കുറ്റവാളികളെ കണ്ടെത്താൻ തെരച്ചിൽ ആരംഭിച്ചിട്ടുണ്ടെന്നും എസ്പി വ്യക്തമാക്കി.

Story Highlights : suspected-maoists-set-fire-to-vehicles