യുപി തൊഴിൽമന്ത്രി രാജിവച്ച് സമാജ്വാദി പാർട്ടിയിൽ ചേർന്നു
ഉത്തർപ്രദേശിൽ തൊഴിൽമന്ത്രി രാജിവച്ച് സമാജ്വാദി പാർട്ടിയിൽ ചേർന്നു. ബിഎസ്പി വിട്ട് ബിജെപിയിലെത്തിയ സ്വാമിപ്രസാദ് മൗര്യയാണ് രാജിവച്ചത്. മുഖ്യമന്ത്രി യോഗി ആദിത്യനാഥുമായുള്ള അഭിപ്രായവ്യത്യാസത്തെ തുടർന്നാണ് തീരുമാനം. 10 ശതമാനം സിറ്റിംഗ് എംഎൽഎമാർക്കും മന്ത്രിമാർക്കും സീറ്റ് നിഷേധിക്കാനുള്ള തീരുമാനം ബിജെപിക്കുണ്ടായിരുന്നു. സ്വാമിപ്രസാദ് മൗര്യയുടെ പേരും ഇതിൽ പരിഗണിച്ചിരുന്നു. ഇതിൻ്റെ പശ്ചാത്തലത്തിലാണ് രാജിയെന്ന് ബിജെപി വൃത്തങ്ങൾ പറയുന്നു.
ഏഴ് ഘട്ടമായാണ് ഉത്തർ പ്രദേശിൽ തെരഞ്ഞെടുപ്പ്നടക്കുന്നതെന്ന് ഇന്നലെ തെരഞ്ഞെടുപ്പ് കമ്മീഷൻ നടത്തിയ വാർത്താ സമ്മേളനത്തിൽ അറിയിച്ചു. ഫഎബ്രുവരി 10 മുതൽ യു.പി പോളിംഗ് ബൂത്തിലെത്തും.
ഒന്നാം ഘട്ടം – ഫെബ്രുവരി 10
രണ്ടാം ഘട്ടം – ഫെബ്രുവരി 14
മൂന്നാം ഘട്ടം – ഫെബ്രുവരി 20
നാലാം ഘട്ടം – ഫെബ്രുവരി 23
അഞ്ചാം ഘട്ടം – ഫെബ്രുവരി 27
ആറാം ഘട്ടം – മാർച്ച് 3
ഏഴാം ഘട്ടം – മാർച്ച് 7
Story Highlights : up minister resigned joined samajwadi party
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here