അടുത്ത മാസത്തെ വിമാന സർവീസുകൾ റദ്ദാക്കി വിസ്താര

ഫെബ്രുവരി മാസത്തിൽ നടത്താനിരുന്ന വിവിധ സർവീസുകൾ നിർത്തലാക്കി വിസ്താര. ചില സർവീസുകൾ പുനഃക്രമീകരിക്കുകയും ചെയ്തു. യാത്രക്കാരുടെ കുറവാണ് നടപടിക്ക് കാരണമെന്നാണ് റിപ്പോർട്ട്. ( vistara cancels February flight services )

നടപടിയിൽ പ്രതിഷേധിച്ച് നിരവധി യാത്രക്കാരാണ് രം​ഗത്തെത്തിയിരിക്കുന്നത്. ഐഎസ്ആർഒ ശാസ്ത്രജ്ഞനെന്ന് പരിചയപ്പെടുന്ന ശിബാശിഷ് പൃഷ്ടിയെന്ന വ്യക്തിയുടെ ട്വിറ്ററിൽ നിന്ന് വന്ന ട്വീറ്റ് ഇങ്ങനെ : ‘പ്രിയപ്പെട്ട വിസ്താര, ഫെബ്രുവരി 5 ന് ഡൽഹിയിൽ നിന്ന് ഭുവനേശ്വരിലേക്കുള്ള സർവീസ് നിങ്ങൾ റദ്ദാക്കി. നിങ്ങളുടെ കസ്റ്റമർ സർവീസ് തട്ടിപ്പ് ആണെന്ന് കരുതുന്നു. കാരണം കഴിഞ്ഞ 48 മണിക്കൂറായി ലൈൻ തിരക്കിലാണ്. എത്രയും പെട്ടെന്ന് ടിക്കറ്റ് തുക പൂർണമായും തിരികെ നൽകണം’.

Read Also : കൊവിഡ് വ്യാപനം; രാജ്യാന്തര വിമാന സർവീസുകൾക്കുള്ള വിലക്ക് ഫെബ്രുവരി 28 വരെ നീട്ടി

@airvistara dear Vistara airlines
You have cancelled a ticket from New Delhi to Bhubaneswar on 5th February.

Your customer care number is a cheap gimmick I think .No one responds and It's been busy since 48 hrs
Please refund the full amount asap.

— Shibasish prusty (@ShibasishPrusty) January 30, 2022

കൊവിഡ് മൂന്നാം തരം​ഗം പൊട്ടിപ്പുറപ്പെട്ടതോടെ യാത്രക്കാരുടെ എണ്ണത്തിൽ ​ഗണ്യമായ കുറവാണ് ഉണ്ടായതെന്നും വിവിധ സംസ്ഥാന സർക്കാരുകൾ നിയന്ത്രണണങ്ങൾ ഏർപ്പെടുത്തുന്നുണ്ടെന്നും വിസ്താര വാക്താവ് പറയുന്നു.

യാത്രക്കാർക്ക് വേണ്ടി പരമാവധി സർവീസുകൾ നടത്താൻ ശ്രമിക്കുമെന്ന് വിസ്താര അധികൃതർ വ്യക്തമാക്കി. ഇതിന് പുറമെ മാർച്ച് 31 വരെയുള്ള യാത്രാ ബുക്കിം​ഗിൽ ഒരു തവണ റീഷെഡ്യൂൾ ചെയ്താൽ ഇനി പണം നൽകേണ്ടെന്നും വിസ്താര വ്യക്തമാക്കി. ഒന്നിൽ കൂടുതൽ തവണ റീഷെഡ്യൂൾ ചെയ്താൽ മാത്രമേ അധിക തുക നൽകേണ്ടതുള്ളു.

Story Highlights : vistara cancels February flight services