കാസര്‍ഗോഡ് വന്‍ കഞ്ചാവ് വേട്ട; കൊലക്കേസ് പ്രതിയടക്കം മൂന്ന് പേര്‍ പിടിയില്‍

കാസര്‍ഗോഡ് വന്‍ കഞ്ചാവ് വേട്ട. കാസര്‍ഗോഡ്, ബദിയടുക്ക പൊലീസ് സ്റ്റേഷന്‍ പരിധികളില്‍ നിന്നായി 45 കിലോ കഞ്ചാവാണ് പിടികൂടിയത്. സംഭവത്തില്‍ കൊലക്കേസ് പ്രതിയടക്കം മൂന്ന് പേര്‍ പിടിയിലായി.

നെല്ലിക്കെട്ട സ്വദേശി അബ്ദുള്‍ റഹ്മാന്‍, പെരുമ്പടക്കടവ് സ്വദേശി അഹമ്മദ് കബീര്‍, ആദൂര്‍ സ്വദേശി മുഹമ്മദ് ഹാരിസ് എന്നിവരാണ് അറസ്റ്റിലായത്. ഇതില്‍ അഹമ്മദ് കബീര്‍ 2009 ലെ ദാവൂദ് കൊലക്കേസിലെ പ്രതിയാണ്.

Read Also : ഇടുക്കി മറയൂരിൽ ചന്ദന മോഷണം പതിവാകുന്നു

കാസര്‍ഗോഡ് ഡിവൈഎസ്പി പി. ബാലകൃഷ്ണന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. കഞ്ചാവ് പിടികൂടിയ സംഘത്തിന് ജില്ലാ പൊലീസ് മേധാവി 10000 രൂപ പാരിതോഷികം പ്രഖ്യാപിച്ചു.

Story Highlights: cannabis seized, kasargod