ഓടുന്ന തീവണ്ടിയിൽ വച്ച് യുവതിയെ ബലാത്സംഗം ചെയ്തു; പാൻട്രി തൊഴിലാളി അറസ്റ്റിൽ

ഓടുന്ന തീവണ്ടിയിൽ വച്ച് യുവതിയെ ബലാത്സംഗം ചെയ്ത പാൻട്രി തൊഴിലാളി അറസ്റ്റിൽ. മധ്യപ്രദേശിലാണ് സംഭവം. ബെംഗളൂരുവിലെ യെശ്വന്ത്പൂർ മുതൽ ഡൽഹി ഹസ്രത്ത് നിസാമുദ്ദീൻ വരെ സർവീസ് നടത്തുന്ന സമ്പർക്ക് ക്രാന്തി എക്സ്പ്രസിൽ വച്ചാണ് തൊഴിലാളി 21 വയസ്സുകാരിയായ യുവതിയെ ബലാത്സംഗം ചെയ്തത്. ട്രെയിനിൽ ഒളിച്ചിരുന്ന ഇയാളെ പിന്നീട് ഝാൻസി റെയിൽവേ സ്റ്റേഷനിൽ വച്ച് പൊലീസ് പിടികൂടി.

മഹാരാഷ്ട്രയിലെ ഭുസവാലിൽ നിന്ന് ടിക്കറ്റെടുക്കാതെ എസി കോച്ചിൽ കയറിയ യുവതിയോട് ജനറൽ കോച്ചിലേക്ക് പോകാൻ ടിക്കറ്റ് എക്സാമിനർ നിർദ്ദേശിച്ചു. എന്നാൽ, ജനറൽ കോച്ചിനു പകരം പാൻട്രിയിലേക്കാണ് യുവതി പോയത്. ഇവിടെ വച്ച് യുവതിയെ തൊഴിലാളി ബലാത്സംഗം ചെയ്യുകയായിരുന്നു.

Story Highlights: Vendor Rapes Woman Moving Train