സിപിഐഎം- ബിജെപി കൂട്ടുകെട്ട്; കുമ്പള പഞ്ചായത്ത് സിപിഐഎം അധ്യക്ഷ സ്ഥാനമൊഴിഞ്ഞു
സിപിഐഎം കാസര്ഗോഡ് കുമ്പള പഞ്ചായത്തിലെ അധ്യക്ഷസ്ഥാനം ഒഴിഞ്ഞു. ഒഴിഞ്ഞത് ക്ഷേമകാര്യ സ്ഥിരം സമിതി അധ്യക്ഷസ്ഥാനം. സിപിഐഎം അംഗം കൊഗ്ലു പഞ്ചായത്ത് സെക്രട്ടറിക്ക് രാജി നല്കി.
കുമ്പള പഞ്ചായത്ത് സ്റ്റാന്ഡിങ് കമ്മിറ്റി തെരഞ്ഞെടുപ്പിലെ സിപിഎം-ബിജെപി കൂട്ടുകെട്ടിനെതിരെ പ്രതിഷേധം ശക്തമാകുന്ന പശ്ചാത്തലത്തിലാണ് രാജിയെന്നാണ് സൂചന.
പഞ്ചായത്തിലെ സ്റ്റാന്ഡിങ് കമ്മിറ്റി തെരഞ്ഞെടുപ്പില് ബിജെപിയും സിപിഐഎമ്മും ഒത്തുകളിച്ചെന്നാണ് ആരോപണം. ഇതില് ബിജെപിയും പ്രതിഷേധം ശക്തമാണ്. ഇതേതുടര്ന്ന് കഴിഞ്ഞ ദിവസം ബിജെപി പ്രവര്ത്തകര് ജില്ലാകമ്മിറ്റി ഓഫിസ് ഉപരോധിച്ചിരുന്നു. ഓഫിസ് പ്രവര്ത്തകര് താഴിട്ടുപൂട്ടി. കുമ്പള പഞ്ചായത്തിലെ സിപിഐഎം കൂട്ടുകെട്ട് അവസാനിപ്പിച്ച് സംസ്ഥാന നേതൃത്വം മാപ്പ് പറയണം. കെ.സുരേന്ദ്രന് എതിരെ ഉള്പ്പെടെ മുദ്രാവാക്യം വിളിച്ചായിരുന്നു പ്രവര്ത്തകരുടെ പ്രതിഷേധം.
കുമ്പള സ്റ്റാന്ഡിങ് കമ്മിറ്റി തെരഞ്ഞെടുപ്പില് പാര്ട്ടിയുടെ മുതിര്ന്ന നേതാക്കളായ സുരേഷ് കുമാര് ഷെട്ടി, ശ്രീകാന്ത്, മണികണ്ഠ റേ എന്നിവര് സിപിഐഎമ്മുമായി ഒത്തുകളിച്ചു. ഇവര്ക്ക് എതിരെ നടപടിയെടുക്കാന് പാര്ട്ടി നേതൃത്വം തയാറായില്ല. പകരം ഇവര്ക്ക് പാര്ട്ടിയില് ഉന്നത സ്ഥാനങ്ങള് നല്കുകയാണ് ചെയ്തത്.
വിഷയത്തില് സംസ്ഥാന അധ്യക്ഷന് ഉള്പ്പെടെ പരാതി നല്കിയിട്ടും നടപടി ഉണ്ടായില്ലെന്നും പ്രവര്ത്തകര് ആരോപിക്കുന്നു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here