Advertisement

ആര്യങ്കാവ് വനമേഖലയില്‍ നിന്ന് ചന്ദന മരങ്ങള്‍ മുറിച്ച് കടത്തിയ യുവാവ് പിടിയില്‍

March 4, 2022
2 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

കൊല്ലം പുനലൂരിലെ ആര്യങ്കാവ് വനമേഖലയില്‍ നിന്ന് 12 ചന്ദന മരങ്ങള്‍ മുറിച്ച് കടത്തിയ കേസിലെ പ്രതി വനപാലക സംഘത്തിന്റെ പിടിയിലായി. ആര്യങ്കാവ് വെഞ്ച്വര്‍ എസ്റ്റേറ്റ് ഒ.എസ് ഡിവിഷനിലെ താമസക്കാരനായ രതീഷിനെയാണ് (20) കോട്ടവാസലില്‍ നിന്ന് വനപാലക സംഘം അറസ്റ്റ് ചെയ്തത്.

ആര്യങ്കാവ് ഫോറസ്റ്റ് റേഞ്ചിലെ ചേനഗിരി സ്വാഭാവിക ചന്ദന പ്ലാന്റേഷനില്‍ നിന്നാണ് വിവിധ ഘട്ടങ്ങളിലായി ലക്ഷങ്ങള്‍ വിലമതിക്കുന്ന 12 ചന്ദര മരങ്ങള്‍ മുറിച്ച് കടത്തിയത്. സംഭവത്തില്‍ പ്രതിക്കെതിരെ നാല് കേസുകളെടുത്തതായി ആര്യങ്കാവ് ഫോറസ്റ്റ് റേഞ്ച് ഓഫീസര്‍ അംബ്ജു കെ. അരുണ്‍ അറിയിച്ചു.

Read Also : ടിക്കറ്റ് പരിശോധനയ്ക്കിടെ ലൈറ്റിട്ടു;<br>മലബാര്‍ എക്‌സ്പ്രസിലെ ടിടിഇയെ യാത്രക്കാരന്‍ മര്‍ദിച്ചു

ഇന്നലെ വൈകിട്ട് പുനലൂര്‍ വനം കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. വനപാലകരായ ശശീന്ദ്രകുമാര്‍, പ്രദീപ്കുമാര്‍ തുടങ്ങിയവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.

Story Highlights: Man arrested for smuggling sandalwood from Aryankavu forest

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement