രാജ്യാന്തര കബഡി താരം സന്ദീപ് സിംഗ് നംഗൽ വെടിയേറ്റ് മരിച്ചു

രാജ്യാന്തര കബഡി താരം സന്ദീപ് സിംഗ് നംഗൽ പഞ്ചാബിൽ വെടിയേറ്റ് മരിച്ചു. ജലന്ധറിൽ കബഡി മത്സരത്തിനിടെയാണ് വെടിയേറ്റത്. 40 വയസായിരുന്നു. തിങ്കളാഴ്ച വൈകുന്നേരം ആറ് മണിയോടെയാണ് സംഭവം . താരത്തിന് നേരെ വെടിയുതിര്‍ത്തത് ആരാണെന്ന് വ്യക്തമല്ല. സംഭവത്തിൽ പൊലീസ്അന്വേഷണം ആരംഭിച്ചിട്ടുണ്ട്.

Read Also : സൗദി അറേബ്യയിൽ ഒറ്റ ദിവസം 81 പേർക്ക് വധശിക്ഷ

നിരവധി മത്സരങ്ങളിൽ ഇന്ത്യയെ പ്രതിനിധീകരിച്ചയാളാണ് സന്ദീപ് സിംഗ് നംഗൽ. ടൂർണമെന്റുകളിൽ ദേശീയ ടീമിന്റെ ക്യാപ്റ്റനായും പ്രവർത്തിച്ചിട്ടുണ്ട്. കുടുംബത്തോടൊപ്പം ഇംഗ്ലണ്ടിൽ താമസിച്ചിരുന്ന അദ്ദേഹം ടൂർണമെന്റിൽ പങ്കെടുക്കാനാണ് നാട്ടിലെത്തിയത്.

Story Highlights: Indian kabadi player Sandeep Singh Nangal shot dead in Punjab