തൃശൂർ പാലക്കാട് റൂട്ടിൽ ദേശീയ പാതയിലൂടെയുള്ള സ്വകാര്യ ബസ് സർവീസ് ഇന്ന് സ്തംഭിച്ചേക്കും

തൃശൂർ പാലക്കാട് റൂട്ടിൽ ദേശീയ പാതയിലൂടെയുള്ള സ്വകാര്യ ബസ് സർവീസ് ഇന്ന് സ്തംഭിച്ചേക്കും. പന്നിയങ്കര ടോൾ പ്ലാസയിൽ ബസുകൾ ടോൾ നൽകണമെന്ന നിബന്ധന അംഗീകരിക്കില്ലെന്നാണ് ബസ് ഉടമകളുടെ തീരുമാനം. ടോൾ പ്ലാസയിൽ സ്വകാര്യ ബസുകൾ തടഞ്ഞാൽ സർവീസ് നിർത്തിവയ്ക്കാനാണ് തീരുമാനം.

കഴിഞ്ഞ ദിവസം വടക്കഞ്ചേരി സിഐയുടെ സാന്നിധ്യത്തിൽ ചർച്ച നടത്തിയിട്ടും പ്രശ്ന പരിഹാരം ഉണ്ടായില്ല. ശനിയാഴ്ച തരൂർ എംഎൽഎ പിപി സുമോദിൻ്റെ സാന്നിധ്യത്തിൽ ചേരുന്ന യോഗം വരെയെങ്കിലും പിരിവ് ഒഴിവാക്കണമെന്ന് ബസ് ഉടമകൾ ആവശ്യമുന്നയിച്ചെങ്കിലും അംഗീകരിക്കപ്പെട്ടില്ല. ഈ സാഹചര്യത്തിലാണ് സർവീസ് നിർത്താൻ നിർബന്ധിതമായതെന്ന് ബസ് ഉടമകൾ പറയുന്നു. ഒരു ബസിൻ്റെ 50 സർവീസുകൾക്ക് 9400 രൂപയാണ് ടോൾ നിരക്കായി നൽകേണ്ടി വരുന്നത്.

Story Highlights: thrissur palakkad private bus service