ഐപിഎൽ: രാജസ്ഥാൻ ബാറ്റ് ചെയ്യും

ഐപിഎലിൽ റോയൽ ചലഞ്ചേഴ്സ് ബാംഗ്ലൂരിനെതിരെ രാജസ്ഥാൻ റോയൽസ് ബാറ്റ് ചെയ്യും. ടോസ് നേടിയ ആർസിബി ക്യാപ്റ്റൻ ഫാഫ് ഡുപ്ലെസി രാജസ്ഥാനെ ബാറ്റിംഗിനയക്കുകയായിരുന്നു. ഇരു ടീമുകളിലും മാറ്റങ്ങളുണ്ട്.

റോയൽ ചലഞ്ചേഴ്സ് ബാംഗ്ലൂരിൽ മോശം ഫോം തുടരുന്ന അനുജ് റാവത്തിനു പകരം രജത് പാട്ടിദാർ ടീമിലെത്തി. ഡുപ്ലെസിക്കൊപ്പം കോലി ഇന്നിംഗ്സ് ഓപ്പൺ ചെയ്യും. രാജസ്ഥാൻ നിരയിൽ രണ്ട് മാറ്റങ്ങളുണ്ട്. ഒബേദ് മക്കോയ്, കരുൺ നായർ എന്നിവർക്ക് പകരം ഡാരിൽ മിച്ചൽ, കുൽദീപ് സെൻ എന്നിവർ ടീമിലെത്തി.

പോയിൻ്റ് പട്ടികയിൽ രാജസ്ഥാൻ റോയൽസ് മൂന്നാമതും റോയൽ ചലഞ്ചേഴ്സ് ബാംഗ്ലൂർ അഞ്ചാമതുമാണ്. രണ്ട് ടീമുകൾക്കും അഞ്ച് ജയം സഹിതം 10 പോയിൻ്റ് വീതം ഉണ്ടെങ്കിലും രാജസ്ഥാൻ ഏഴ് മത്സരങ്ങളും ബാംഗ്ലൂർ എട്ട് മത്സരങ്ങളുമാണ് കളിച്ചിട്ടുള്ളത്. രാജസ്ഥാൻ്റെ നെറ്റ് റൺ റേറ്റും മികച്ചതാണ്. ഇന്ന് വിജയിച്ചാൽ ബാംഗ്ലൂർ രണ്ടാമതെത്തും. രാജസ്ഥാൻ വിജയിച്ചാൽ സഞ്ജുവും സംഘവും ഒന്നാം സ്ഥാനത്തേക്ക് മുന്നേറും.

ടീമുകൾ

Rajasthan Royals : Jos Buttler, Devdutt Padikkal, Sanju Samson(w/c), Shimron Hetmyer, Riyan Parag, Daryl Mitchell, Ravichandran Ashwin, Trent Boult, Kuldeep Sen, Prasidh Krishna, Yuzvendra Chahal

Royal Challengers Bangalore : Faf du Plessis(c), Virat Kohli, Glenn Maxwell, Suyash Prabhudessai, Rajat Patidar, Shahbaz Ahmed, Dinesh Karthik(w), Harshal Patel, Wanindu Hasaranga, Josh Hazlewood, Mohammed Siraj

Story Highlights: ipl rajasthan royals royal challengers bangalore ipl