തൈമൽ മിൽസ് പരുക്കേറ്റ് പുറത്ത്; പകരക്കാരനെ പ്രഖ്യാപിച്ച് മുംബൈ ഇന്ത്യൻസ്

മുംബൈ ഇന്ത്യൻസിൻ്റെ ഇംഗ്ലണ്ട് പേസർ തൈമൽ മിൽസ് പരുക്കേറ്റ് പുറത്ത്. താരം സീസണിൽ ഇനി കളിക്കില്ലെന്ന് ഐപിഎൽ ഔദ്യോഗികമായി അറിയിച്ചു. ദക്ഷിണാഫ്രിക്കയുടെ യുവ വിക്കറ്റ് കീപ്പർ ബാറ്റർ ട്രിസ്റ്റൻ സ്റ്റബ്സ് ആണ് മിൽസിൻ്റെ പകരക്കാരൻ. അടിസ്ഥാന വിലയായ 20 ലക്ഷം രൂപയ്ക്കാണ് സ്റ്റബ്സ് മുംബൈയിലെത്തിയത്. 21 വയസ്സുകാരനായ താരം 17 ടി20കളിൽ നിന്ന് 506 റൺസാണ് നേടിയിട്ടുള്ളത്. 157.14 സ്ട്രൈക്ക് റേറ്റിൽ മൂന്ന് അർധസെഞ്ചുറികളും താരം നേടി.

Story Highlights: Tristan Stubbs Mumbai Indians Tymal Mills