കോഴിക്കോട് ഒഴുക്കിൽപെട്ട് കാണാതായ വിദ്യാർത്ഥിക്കു വേണ്ടിയുള്ള തിരച്ചിൽ ഇന്നും തുടരും

കോഴിക്കോട് ചെക്യാട് ഉമ്മത്തൂർ പുഴയിൽ ഒഴുക്കിൽപെട്ട് കാണാതായ വിദ്യാർത്ഥിക്കു വേണ്ടിയുള്ള തിരച്ചിൽ ഇന്നും തുടരും. പതിനൊന്നു വയസുകാരൻ ഉമ്മത്തൂർ താഴെകണ്ടത്തിൽ മിസ്ഹബിനെയാണ് കാണാതായത്. ഒപ്പം കുളിക്കാനിറങ്ങി ഒഴുക്കിൽപ്പെട്ട മുടവന്തേരിയിലെ കൊയ്യലോത്ത് മൊയ്തുവിന്റെ മകൻ പതിമൂന്ന് വയസുകാരൻ മുഹമ്മദ് ഇന്നലെ മരിച്ചിരുന്നു.

ഉമ്മത്തൂർ, മുടവന്തേരി സ്വദേശികളായ ആറ് കുട്ടികളാണ് ഇന്നലെ വൈകുന്നേരം അഞ്ച് മണിയോടെ ഉമ്മത്തൂർ ഹൈസ്കൂളിന് സമീപത്തെ പുഴയിൽ കുളിക്കാനിറങ്ങിയത്. കുളിക്കുന്നതിനിടെ രണ്ട് കുട്ടികൾ ഒഴുക്കിൽപ്പെടുകയായിരുന്നു. മിസ്ഹബിനു വേണ്ടിയുള്ള തിരച്ചിലിനിടെ പുതിയോട്ടിൽ മുഹമ്മദിന് പാമ്പുകടിയും ഏറ്റിരുന്നു.

Story Highlights: kozhikode drowned boy search continue