സ്വപ്‌ന സുരേഷിന്റെ ആരോപണങ്ങള്‍ ആര്‍എസ്എസ് തിരക്കഥയെന്ന് എ.എ.റഹീം എംപി

സ്വപ്‌ന സുരേഷിന്റെ ആരോപണങ്ങള്‍ ആര്‍എസ്എസ് തിരക്കഥയെന്ന് എ.എ.റഹീം എംപി. കേട്ടുകേള്‍വിയില്ലാത്ത തരത്തില്‍ സംഭവത്തില്‍ ഗൂഢാലോചന നടത്തി. ഇതിന് പിന്നില്‍ ആര്‍എസ്എസ് ആണ്. ഗൂഢാലോചനയില്‍ സംസ്ഥാന സര്‍ക്കാര്‍ അന്വേഷണം പ്രഖ്യാപിക്കണമെന്ന് ഡിവൈഎഫ്‌ഐ ആവശ്യപ്പെട്ടു ( Swapna RSS script Rahim ).

മുഖ്യമന്ത്രിയുടെ പേര് പറയാന്‍ സമ്മര്‍ദ്ദം ഉണ്ടായി എന്ന് സ്വപ്ന തന്നെ പറഞ്ഞിരുന്നു. ഇന്നലെ കേട്ട സ്‌ക്രിപ്റ്റ് ആണ് നേരത്തെ കസ്റ്റംസ് പറയിപ്പിക്കാന്‍ ശ്രമിച്ചത്. താന്‍ ശമ്പളം പറ്റുന്ന തൊഴിലിന്റെ കൂറ് ആണ് സ്വര്‍ണക്കടത്തുകാരി കാട്ടിയതെന്നും സ്വപ്ന പറയുന്നത് പി.സി.ജോര്‍ജിനെ അറിയില്ലെന്നാണെന്നും എന്നാല്‍ അറിയാത്ത ആളുകള്‍ തമ്മില്‍ എങ്ങനെയാണ് നിരവധി വട്ടം ഫോണില്‍ ബന്ധപ്പെടുക എന്നും അദ്ദേഹം ചോദിച്ചു.

Read Also: ഉമ്മന്‍ ചാണ്ടിക്കും പിണറായിക്കും രണ്ട് നീതിയെന്ന് വി.ഡി.സതീശന്‍

എച്ച്ആര്‍ഡിഎസിന്റെ ഉടമസ്ഥര്‍ എല്ലാം ആര്‍എസ്എസ്, ബിജെപി ബന്ധം ഉള്ളവരാണ്. സ്വര്‍ണക്കടത്ത് കേസിലെ പ്രതിക്ക് എങ്ങനെ ആര്‍എസ്എസ് ബന്ധം ഉള്ള സ്ഥാപനത്തില്‍ ജോലിലഭിച്ചുവെന്നും എച്ച്ആര്‍ഡിഎസ് എന്ന സ്ഥാപനത്തിന്റെ സാമ്പത്തിക സ്രോതസ് അന്വേഷിക്കണമെന്നും എ.എ.റഹീം പറഞ്ഞു.

ആര്‍എസ്എസ് സ്വപ്നയെ വിലക്കെടുത്തിരിക്കുകയാണ്. ആരോപണം ഉന്നയിക്കുന്നതിതാണ് സ്വപ്നയുടെ ജോലി. മുഖ്യമന്ത്രിക്കെതിരായ സ്വപ്നയുടെ ആരോപണത്തിന് പിന്നില്‍ വലിയ ഗൂഢാലോചന നടന്നിട്ടുണ്ടെന്നും ഡിവൈഎഫ്ഐ സംസ്ഥാന കമ്മിറ്റി ഓഫിസില്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ അഖിലേന്ത്യാ പ്രസിഡന്റ് എ.എ.റഹീം എംപിയും സംസ്ഥാന സെക്രട്ടറി വി.കെ.സനോജും പറഞ്ഞു.

Story Highlights: AA Rahim MP says Swapna Suresh’s allegations are RSS script